"Iha orsamentu ita planeia atu sosa 22 viatura unidade ne'e atu responde ba servisu operasionál ninian”, dehan nia hafoin finaliza audénsia públika ba proposta OJE 2022 ho Komisaun B trata asuntu seguransa no defeza iha Parlamentu Nasionál (PN), sesta (05/11).
Dadauk eskudra iha teritóriu laran ne'e hamutuk 65, no transporte (viatura) ne’ebé mak sosa iha tinan 2012, to'o agora barak mak kondisaun at ona.
Iha tinan 2019-2020, Polísia Nasional Timor-Leste mós konsege sosa karreta balun maibé ne'e sosa ho fazeadamente de'it, tanba orsamentu ne’ebé sira propoin ne'e labele kobre dala ida de'it.
Tanba ne'e, totál karreta ne'ebe sei sosa iha tinan oin (2022) hamutuk 22 no ida ne'e sei distribui ba eskudra PNTL sira, atubele apoiu ajenta sira hala'o servisu operasaun iha terenu.
"Ita iha eskudera 65, e ne'e kuandu ita sosa dala ida, orsamentu labele kobre instituisaun tomak, entaun ne'e mak sosa fazeadamente atubele responde nesesidade PNTL nian, liliu servisu operasional iha terenu”, hatete nia. (*)