Komandante Komandu PNTL Munisípiu Bobonaro, Superintendente, Antonio Mauluta, deklara kilat anin ilegál ne’e liuhusi pasa revista ba transporte públiku sira ne’ebé halo movimentu ba mai iha área fronteira.

“Atu informa de’it ita-nia membru PNTL husi ekipa Alfa Forsa Rezerva, lidera husi Ajente Xefe Angelino Barros, hamutuk ho membru na’in-3 hala'o patrullamentu la’o ain ba área Tunubibi no deskunfia karreta mikrolet ida ho númeru matríkula 35.604 tula sasán ilegál, nune’e sira hapara karreta refere hodi halo buska no konsege prende kilat manu marka sharp tiger hamutuk lolon 8 no fugetis kaixa 3 iha karreta laran”, dehan Antonio Mauluta iha Komandu PNTL Munisípiu Bobonaro, sábadu (20/11).

Tanba ne'e, PNTL asegura ona objetu sira ne’e iha Komandu Munisípiu Bobonaro inklui motorista timoroan ida ho naran inisial AdA, hodi kontinua prosesu investigasaun. (*)