"Agora ita-nia Governu loke ona pontu entrada sira iha fronteira terestre, PNTL tenke reforsa kontrolu iha fronteira, kontrolu ne'e iha nafatin atu nune'e evita movimentu ilegál”, dehan Prezidente Komisaun B, José Agustinho Sequeira "Somotxo", iha PN, kuarta (01/12).
Nunee mós husu ba Timoroan sira ne’ebé iha Indonézia,balun atu mai, maibé dokumentu mate, bele mai husi dalan legal atu hetan atendimentu husi servisu migrasaun ne’ebé mak destaka iha fronteira,
Vise-Ministru Interior (MI), António Armindo deklara, kontrolu iha fronteira la'o hanesan baibain aseguradu, no sidadaun sira ne'ebé halo movimentu nafatin kumpri rekezitu protukolu saúde nia.
"Sim kontrolu iha fronteira ne'e hanesan baibain, prontu Governu kuandu iha ona dekretu númeru 26/2021 ne'ebé mak ko'alia kona-ba fronteira ne'e, maibé fronteira ne'e ita loke ba loron rua de'it, Segunda ho Kuarta no kontrolu hanesan baibain, ba sira ne'ebé halo movimentu, sira tenke kumpri rekezitu protukolu saúde públika nia, ida ne'e jatamente ita aplika ba sidadaun hothotu ne'ebé hakarak tama husi ronteira terrestre”, dehan nia.
Maibé liga ba Timoroan sira ne'ebé fixa mate ona, sira bele mai liuhusi pontu entrada ne'ebé mak legal atu nune'e nafatin asegura movimentu ilegál iha Timor-Leste. (*)