"Ha'u nu'udar Komadante forsa armada ninia, dalabarak polítiku sira kritika ha'u, katak iha mundo so úniku Jenerál iha Timor mak ko'alia polítika, nasaun sira seluk la ko'alia polítika, maibé ha'u dehan ba sira, imi labele kompara ha'u Jenerál Lere ba ho Jenerál rai seluk nia”, dehan Jenerál Lere, iha Aldeia Harame, Suku Aidaba Leten, Postu Administrativu Atabae, munisípiu Bobonaru, sábadu (18/12).
Tanba Jenerál rai seluk, nia aproveita ukun-an maibé Jenerál Timor-Leste fakar ninia ra’an para Timor nia ukun rasik-an:
"Nune'e mak imi labele kompara ha'u ho rai seluk, ha'u brani kritika sé de'it, kuandu la halo tuir povu nia hakarak, la halo tuir Forsa Armada ninia hakarak, ne'e ha'u kritika”, deklara nia.
Tanba moris militár iha problema barak maibé to’o agora Estadu seidauk bele rezolve, tanba dala barak hetan fali apoiu husi doadór sira. (*)