"Sim projetu reabilitasaun edifísiu Eskuádra Dom Aleixo ne’e, hetan ona aprovasaun iha Konsellu Administrasaun Fundu Infraestrutura (KAFI), tan ne’e hein de’it atu loke tenderizasaun hodi hahú implementasaun,iha tinan oin,no ita prevé Orsamentu kuaze millaun US$3”, dehan Vise-Ministru Interiór, António Armindo, iha Kaikoli, segunda (20/12).
Kondisaun edifísiu Eskuádra Polísia Dom Aleixo ne'e kada tinan bainhira udan, sempre hasoru problema no ida-ne’e la’ós foin akontese iha governasaun ida-ne’e, maibé akontese beibeik ona bainhira tempu udan.
“Tanba ne'e tinan kotuk bá hahú ko’alia ho komandante sira, depois dezeñu, hanesan ita hatene, foin dadauk ne’e ita fó sai ona katak, ne’e aprova ona iha KAFI, no atu avansa ona bá iha tenderizasaun, ita-nia espetativa ne’e hahú husi fevereiru tinan oin konstrui ona”, esplika nia.
Kona ba fatin atu halo konstrusaun ne'e Komandu Jerál PNTL mak sei hatene no iha kompeténsia atu muda sira ba ne'ebé importante fatin ne'e seguru ba sira hodi halo servisu. (*)