"Razaun atu halo demisaun ba membru Polísia na’in-haat (4) ne'e tanba envolve krime balun iha tinan 2020 ho 2021 nia, tanba ne’e konsellu Superior PNTL realiza enkontru hodi diskute no tempu badak sei halo demisaun ba sira”, deklara Superintendente Xefe Carlos Jeronimo, hafoin enkontru Konsellu Superior iha Kuartél Jerál PNTL, Kaikoli, segunda (20/12)
Kazu disiplinar ne’e iha prosesu haat, no delega hotu ona ba komandu Jerál PNTL, hein katak iha tempu badak sei hatene nian rezultadu.
“Sim desizaun ikus komandu Jerál mak sei deside maibé ne'e konserteja ona katak sei iha demisaun ba membru polísia na’in-haat ne'e”, dehan nia.
Membru PNTL na’in-haat ne'e iha feto no mane, maibé husu kona-ba membru sira ne'e envolve iha kazu saida, Komandante la fó komentáriu detallu, maibé membru sira ne’e sei hetan demisaun iha tempu badak no sei ba fali vida sivil. (*)