"Durante selebrasaun loron boot Natál, PNTL Dili mós, detein suspeitu hamutuk ema na’in-20-resin, husi Postu Administrativu Vera Cruz, Cristo Rei, Dom Aleixo ho Na’in-Feto, tanba asalta-malu, tuda malu ho fatuk, ne’ebé kauza mós husi hemu tua-lanu”, informa Komadante PNTL Munisipiu Dili, Superintendente Xefe Henrique da Costa,iha komandu munisípiu Dili, eegunda (27/12).
Kazu hirak ne’e, akontese, tanba ódiu malu ho problema pasadu, liga ho Grupu Arte Marsiál (GAM), tanba ida-idak defende ninia grupu hodi ikus mai mosu ataka malu iha 24 dezembru, oras kalan.
"Maibé, polísia responde kedan, no ita to’o iha fatin, balun halai lakon, maibé balun ne’ebé mak iha, ita kaptura, lori mai iha komandu, hodi prosesa”, esplika nia.
Maske nune’e, situasaun enjerál iha Munisípiu Dili la'o ho di'ak, laiha problema siknifikante ne’ebé mak prezudika ba moris ema seluk nian, tanba Polísia Komandu Munisípiu Dili, hetan reforsa seguransa husi Unidade Espesial Polísia (EUP), Unidade Patrullamentu Fronteira (UPF), ne’ebé destaka iha Aeroportu Internasionál Nicolao Lobato, Unidade Polisia Marítima (UPM), Kurtel Jerál, liliu Tránzitu nomós membru sira ne’ebé iha terrenu, sempre fó apoiu ba komandu Munisípiu Dili. (*)
