"Ita halo auto stop durante loron rua ne'e 21 no 22 dezembru 2021, primeiru dia karreta 3 motorizada 5, ligadu ba dokumentu, balun dokumentu laiha, e balun implika ba karta kondisaun mate, iha dia 22 ita kontinua halo auto stop konsege prende karreta 5 motorizada ida”, informa Segundu Komadante PNTL Munisípiu Baukau, José Casemero, iha komandu PNTL Baukau, segunda (27/12).

Ba pasa revista ne’ebé halo atu asegura selebra festa natal no simu tinan foun 2022, tanba ne'e Komandu PNTL Munisípiu Baukau liuhusi seksaun Tránzitu halo pasa revista ba dokumentu trasporte nian no karta kondusaun kundotór sira-nian, inklui armas brankas.

Maibé karreta 8 ho motorizada 6 ne'ebé liuhusi pasa revista durante loron-2 PNTL Munisípiu Baukau prende, dadaun ne'e na'in ba trasporte lori sai ona sira nia transporte husi seksaun Tránzitu, tanba selu ona iha banku tuir kategória inflasaun ne’ebé Kkmete.

"Koima ne'ebé mak ita hatama ba kofre Estadu hamutuk US$381”, dehan nia.

Tanba ne'e husu ba motorista sira, bainhira sai husi uma uza trasporte privadu hanesan motorizada no karreta halo viajen husi kapital ba Munisípiu tenke lori ho dokumentu tranporte inklui karta kondisaun, nune'e bele asegura movimentu.

Enkuantu selebra festa natal hahú loron-23 to'o 26, PNTL Munisípiu Baukau rejistu kazu asidente balun, nune'e mós kazu krime. (*)