"Ita-nia asidente tráfiku ne'e barak, tanba ita soke ema la'o ain sira, liliu iha jebra cross nia, ne'ebé mak tuir lolos sira mós iha direitu atu nune'e ultrapassa iha ne'ebá. Nune'e nafatin husu ita-nia komunidade sira liliu motorista sira, wainhira halo viajen tenke revista lai kondisaun transporte tantu karreta no motorizada, no nafatin respeita sinál tránzitu ne'ebé mak iha, liliu respeita ema sira la'o ain”, dehan Superintendente Xefe Henrique da Costa, iha Komandu Munisípiu Dili, kuarta (05/01).

Aleinde ne'e mós, Komadante PNTL munisípiu Dili husu ba komunidade sira iha tinan 2022 ne'e, nafatin koopera ho parte seguransa nia, liliu komandu Munisípiu Dili, atu nafatin garante Kapitál Dili sai fatin seguru ba ema hotu, tanba Dili seguru ema hotu halo nia atividade moris nia mós ho seguru.

Tanba planu komandu munisípiu Dili nia mai ho ninia estratéjia rasik, no prioridade liu iha tinan 2022 ba prevensaun krime ninia.

“Ita-nia envolvimentu barak liu ne'e sei enovolve iha komunidade, ita sei hasa’e tan númeru ita-nia polísia sira hamriik iha dalan ninia, pois koloka ba postu sira, ho intensaun atu prezensa Polísia ninia iha terrenu ne'e nafatin iha, ita mós hasae ita1nia atividade hanesan patrola la'o ain, patrolla motorizada no karreta, atu nune'e prevene nafatin krime liliu iha fatin sira ne'ebé mak ita identifika hanesan fatin risku ba problema”, dehan nia.

Durante ne'e komandu munisípiu Dili identifika fatin risku ba krime mak hanesan, iha área Dom Aleixo, Cristu Rei, Vera Cruz, Na’in Feto.

"Entaun ita tau ita “-nia prioridade para patrolu iha ne'ebá, tantu la'ós eskuadra sira de'it no forsa rezerva de'it, maibé informasaun ne'e ita mós fahe ba unidade espesial, mós ba komandu jerál atu nune'e ema hothotu bele tau atensaun halo movimentu barak liu iha área sira ne'ebé mak ita identifika hanesan risku ba iha problema ne'e”, afirma nia. (*)