“Sim, Komandu Jerál PNTL durante semana datoluk husi fulan-Janeiru tinan 2022 ne'e, rejista kazu krime hamutuk hitu (7), ne'ebé kompostu husi Kazu Integridade Fizika Simples, no asalta malu”, dehan Xefe Departamentu Relasaun Públiku Polísia Nasionál Timor-Leste (PNTL), Superentedente Xefe Armando Monteiro, iha komandu Jerál, Kaikoli, segunda (24/01).

Maske PNTL sempre rejista kazu iha kada semana no loron, maibé akontesementu sira ne'e laiha impaktu ba estabilidade rai laran. 

“Akontesementu sira ne'e, la prejudika ba ita-nian estabilidade seguransa jeralmente iha kapitál Dili”, hatete nia.

Tanba ne'e nafatin husu ba komunidade atu kontinua koopera ho autoridade seguransa hodi bele garante di'ak liután seguransa iha kapitál nasaun. (*)