"Ohin halo treinamentu ba membru hamutuk na’in-62 sira ne’ebé mak lololoron halo sira-nia kna’ar no monitorizaun ba momentu seguransa rodoviáriu iha terenu liliu iha Kapitál Dili, tanba ita-nia membru Tránzitu sira ne’ebé mak por kolokasaun mai iha nee 90 pesoál inklui ha’u. Maior parte kuaze 80% mak seidauk tuir formasaun ba movimentu viatura oinsá mak orientaun transporte públiku sira iha estrada públiku iha Kapitál Dili”, dehan Inspetór Domingos, iha Komandu Munisípiu Dili, Kaikoli, tersa (01/02).
Tanba hakarak ka la kohi, meius ida mak liuhusi treinamentu atu sira iha esperiensia oinsá mak orienta seguransa rodoviáriu iha terrenu.
"Ita haree movimentu iha Kapitál Dili ne’e númeru sa’e no aumenta maka’as, agora sira rasik esperiensia laiha, mak sira orienta sala iha transporte públiku iha terenu bele fó risku ba membru ne’e nia vida no bele mós fó risku ba ita-nia kondutór sira ou bele mós ba transporte públiku sira, ho ida ne'e mak ita presiza fó formasaun ba sira”, esplika nia.
Tanba, iha formasaun ne'e oinsá membru sira bele iha koñesimentu naton atubele kanaliza ka movimentu iha ida-idak nia servisu iha Kapitál Dili.
"Tanba iha kapital Dili mak ita-nia membru laiha koñesimentu liu kona-ba servisu tránzitu nia oinsá mak atu huu arbitu ne’ebé di’ak no oinsá atu basa liman ho di’ak para orienta ita-nia kondutór sira tuir sinál tránzitu ne’ebé mak membru sira halo iha treinu”, hatete nia.
Tanba difikuldade ne’ebé membru sira hasoru, mak komandante tránzitu Dili inisiativa halo pedidu ba komandu no hatun despasu autoriza halo treinamentu rasik.
“Entaun treinamentu rasik ida ne’e, ha’u identifika kedas ita m-nia istrutór sira ne’ebé mak atu sai instrutór ba formasaun ida ne’e, no instrutór sira ne'e mak ita-nia sarjentu na’in ida ho ajente xefe na’in tolu”, esplika nia. (*)