Tempo Timor - Kanal Notisia, Husi imi ba imi

Switch to desktop Register Login

DILI – Heineken once again shares the drama of UEFA Champions league with Timorese football fans by crowning one lucky consumer as the grand winner of the UEFA Champions League 2018 lucky draw promotion. 

Elisabeth Araújo went home with a grand prize of $10,000 cash at the Heineken UCL final lucky draw event, held at El Legendario on the evening of 14 June 2018. Mr. Markus Pamula, Finance Director of Heineken Timor-Leste, presented the grand prize to the winner after the final draw was made. The winner, Elisabeth Araújo, was part of a group of 7 participants selected during an internal draw held recently at Heineken Timor-Leste office, under the supervision of Euclides Belo – 2nd Commander of National Police in Díli (PNTL).

During the interview, Elisabeth Araújo expressed her sincere thanks and appreciation to Heineken on this happy occasion. She commented that this is her first time ever to win such a fabulous prize. In addition to the top prize money of $10,000 cash, other winners, went home with attractive prizes including a TV set, a mobile phone and exclusive limited edition Heineken wristwatches.

The Heineken UEFA Champions League lucky draw event was held as the final concluding event organized as part of a three-month long campaign involving more than 100 participating outlets nationwide.

“Heineken’s long and successful partnership with the UEFA Champions League enables us to enrich fans’ experiences that go beyond the 90 minute on the pitch. This is one of the biggest and most successful lucky draw, receiving over thousands of responses to participate nationwide. This is something only the world’s No. 1 international premium beer brand, Heineken, can do.” said Benjamin Kwek, Marketing Manager of Heineken Timor-Leste.

In delivering the unique experiences of the UEFA Champions League to Timorese football enthusiasts, Mr Kwek further remarked, “Timorese football fans should look forward to more world class experiences and dramatic action in next year.” (pr) 

Comment

Published in Ekonomia
Written by
Read more...

DILI – Empreza Heineken dala ida tan fahe drama husi liga kampiaun UEFA ho fens futebol Timor oan sira liu husi konsumedor sorte di’ak ida ne’ebé sai nu’udar manan nain ba promosaun sorteu liga kampiaun UEFA 2018. 

Elizabeth Araújo fila ba uma ho premiu grande $10,000 iha eventu final dada rifa Heineken UCL ne’ebe mak halao iha El Legendario, iha dia 14 de Junho 2018 kalan. Sr. Markus Pamula, Diretor Finansa Heineken Timor-Leste, aprezenta grande premiu ba manan nain depois halao tia dada rifa sorteu Heineken UCL ninian. Manan nain Elisabeth Araújo, sai nudar grupu ida husi finalista nain 7 ne’ebe hetan selesaun durante eventu dada rifa interna ne’ebe akontese foin lalais ne’e iha Edifisiu Heineken Timor Plaza, dada rifa ne’e iha supervizaun ka asiste husi Euclides Belo – Segundu Komandante Policia Nasional (PNTL) Dili.

Durante intervista, Elisabeth Araújo, espresa ninia sinceria de agradesementu no apresiasaun ba Heineken iha okazaun kontente ida ne’e. Nia hatete katak ida ne’e premeira ves ba nia manan premiu ida bo’ot tebes. Alende premiu $10,000, manan nain sira seluk fila ba uma ho premiu atrativa sira seluk hanesan Televizaun ida, telephone ida no arlojiu exklusivu marka Heineken edisaun limitada balu.

Eventu dada rifa sorteu Heineken Liga Kampiaun UEFA ida ne’e konklui eventu hirak ne’ebe planeadu hanesan parte ida husi programa naruk fulan tolu ninia ne’ebe involve emprega partisipantes liu 100 ida iha Timor laran tomak.

“Heineken ninia susesu no parseria kleur ho Liga Kampiaun UEFA foo fatin ba ami hodi suplementa esperensia fens ninian durante minute 90 nia laran. Ida ne’e sai nudar sorteu ida ne’ebe bo’ot no susesu liu, simu resposta partisipantes rihun ba rihun iha Timor laran tomak. Ida ne’e, buat ida ne’ebe ke mundu ninia serveja premium internasional , marka Heineken deit mak bele halo.” Tenik Benjamin Kwek, Marketing Manager Heineken Timor-Leste.

Iha ninia fornesementu esperensia uniku Liga Kampiaun UEFA ne’e ba suportadores futebol Timor oan tomak Sr. Kwek salienta tan katak, “Fens futebol Timor oan sei bele iha esperensia klase mundial no asaun dramatiku sira iha tinan oin mai.” 

Atu hatene klean liu tan informasaun konaba eventu dada rifa sorteu Heineken Liga Kampiaun UEFA no nafatin akompania fornesementu marka serveja Heineken ninian, vizita. (pr) 

Comment

Published in Ekonomia
Written by
Read more...

 

DILI - Fundador empreza ENSUL Engenharia Timor - Leste, António Simões Marques Couto hatete, Dili Financial Business Center (DFBC) ka Centro de Negócios e Finanças de Díli nunka paradu, tanba konsege investe ona no harii obra eselénsia ida iha nasaun ne’ebé sai nu’udar orgullu ba ema hotu.

Coutu mós Konsul Honorário Repúblika Demokrátika Timor-Leste ba Porto, Portugal hatutan liu hosi nota eskrita ba Tempo Timor katak, projetu ida ho ambisaun hanesan propoin ona, nunka hala’o iha Timor no tanba ho motivu ida - ne’e eziste dezafiu boot ne’ebé sei hakat liu, hanesan mós hakat liu hirak ne’ebé iha pasadu, nu’udr ezemplu, dezeñu projetu hotu ne’ebé tenke halo melloria no adaptasaun hodi inklui aumentu iha estasionamentu (problema ida ne’ebé la eziste iha tinan 10 iha Dili), respeita padraun a’as liu kona - bá ambiente, seguransa no enerjia hodi ajusta karaterístika sidade Dili nian rasik.

“Iha projetu, DFBC, mak naran hosi projetu ida-ne’e nian iha ámbitu akordu espesiál investimentu nian ne’ebé asina ho Estadu Timor - Leste, grupu empreza ida ne’e, nunka paradu, pelu kontráriu, investe ona no harii eselénsia ida iha nasaun ne’ebé sai nu’udar orgullu ba ema hotu,” hatete Couto via esplikasaun eskrita ba Tempo Timor iha Dili, Kuarta (30/05).

Couto hatutan, iha konstrusaun faze dahuluk nian, hahu ona iha tempu kleur liubá, hakat liu ona obstáklu sira hanesan falta ekipamentu iha rai laran ba tipu fundasaun projetada (solusaun dahuluk - “estaka moldada”,  solusaun daruak- “estaka kravada” no solusaun dahikus ne’ebé adota mak - “Floresta mikro - estaka”), inezisténsia grua sira ho kapasidade, ka kofrajen espesífika. Ekipamentu hirak-ne’e hotu hola, no agora halo parte hosi solusaun ne’ebé aselera hela velosidade konstrusaun edifísiu dahuluk ne’ebé bolu Business One, iha ne’ebé sei fornese ba kliente sira ne’ebé buka edifísiu ne’ebé ho padraun no kualidade a’as tebes.

Historikamente, iha tinan 2009 ENSUL Engenharia, S.A. hetan aporvasaun hosi governu liuhosi reuniaun Konsellu Ministru sira kona - bá arendamentu rai ho nia luan 22.635,00m2 iha kedas sidade Dili nia fuan laran, no tama ba tinan 2013 kuartu governu konstitusional ne’ebé lidera hosi primeiru - ministru, Kay Rala Xanana Gusmão halo lansamentu fatuk dahuluk (primeira pedra) ba rai ne’e, tanba ENSUL promete ba governu Timor - Leste katak sei halo investimentu ba rai ne’e ho valor osan hamutuk US $ millaun 18, maibé to’o oras ne’e foin mak hahu hari ai - rin sira.

Couto esplika, obra konstrusaun Business One ne’e, ho estimasaun US $ millaun 24, iha nia totalidade ho prazu ezekusaun nian fulan 36, no to’o iha momentu ida-ne’e halo ona gastu besik US $ millaun 5, ho projetu no estudu enkuadramentu no dezenvolvimentu, projetu espesialidade, projetu fundasaun, estaleira obra, dezaterru transporte vazadouru, preparasaun terrenu, implantasaun edifísiu no seluk tan.

Entretantu, antes ne’e kompañia nasionál sanulu (10) desidi ona hodi suspende pagamentu arendamentu rai ba kompañia internasional ENSUL Engenharia, S.A., tanba deskonfia mosu “irregulariedade” balun iha prosesu arendamentu rai ne’e rasik.

“Ida ne’e mak problema. Sira la investe ida. Sira aluga fali ba ita Timoroan sira ho valor a’as tebes. Tanba sira laiha baze legal ruma, ami deseidi hodi suspende tiha pagamentu ne’e, no hein esklaresementu hosi ENSUL,” hatete nain ba empreza Timoroan ida ne’ebé mós aluga tutan rai ne’e hosi Central Sociedade Comercial, S.A (CSC, S.A) ba Temo Timor iha Dili foin lalais.

“Atu rehabilita ka pinta de’it ruko oan sira ne’ebé mak oras ne’e eziste hela desde Portugues nia tempu, kompañia Timoroan barak mós prontu ona hodi halo. Ida ne’e la persija empreza internasional,” esplika emprezariu Timoroan ida ne’ebé sujere ba governu foun persija halo revizaun ba kontratu arendamentu rai ho empreza ENSUL Engenharia, S.A iha tinan hirak ba kotuk.    

Maibé, Couto rejeita total liafuan baraka, tanba tuir nia katak nia investe, la’ós halo barak.  

Empezariu Timoroan ne’e hatutan, lei propriedade katak subarendamentu nia valor labele a’as liu arendamentu ho governu, maibé realidade hatudu katak investidor nasionál sira ka kompañia nasionál sira durante tinan barak ona selu arendamentu rai ne’e ba empreza CFT S.A ho valor osan ki’ik liu mak US $ 1200 to’o boot liu mak US $ 6700.

“Situasaun ne’e la kria kondisaun seguru ba kompañia nasionál sira hodi kontribui ba dezenvolvimentu ekonómia iha rai laran,” nia esplika.

Iha parte seluk, eis Ministru Ekonómia no Dezenvolvimentu, João Mende Goncalves rekoñese katak nia mak asina duni akordu investimentu ba empreza ENSUL nian, maibé hafoin iha tempu ne’eba to’o oras ne’e nia la’ós ona nu’udar membru governu hodi tau matan kona - bá investimentu ne’e rasik.

“Se ha’u mak nu’udar membru governu nafatin ha’u sei halo avaliasaun ida ba prosesu investimentu ne’e rasik depois mak bele foti desijaun atu hapara ka la’e, maibé durante ha’u nia tempu ha’u hapara ona projetu ida iha Com, munisipiu Lautem, tanba empreza ne’e la kumpri saida mak nia asina ho governu,” hatete eis ministru João Goncalves ba Tempo Timor iha nia serbisu fatin, Landa Mark, Fatuhada - Dili, Kinta (24/05). 

Nia hatutan, desijaun atu halo arendamentu ba rai ne’e desidi iha reuniaun Konsellu Ministru sira iha mandatu kuartu governu konstitusional nian. (Oki)

Comment

Published in Ekonomia
Written by
Read more...

        

 Eis primeiru - ministru, Kay Rala Xanana Gusmaão hamutuk ho fundador ENSUL Engenharia, António Couto halo lansamentu fatuk dahuluk ba investimentu ENSUL nian atu hari uma andar 10 iha rai Kolmera iha tinan 2013, maibé to’o oras ne’e seidauk akontese.      

DILI - Kompañia nasionál sanulu (10) desidi ona hodi suspende pagamentu arendamentu rai ba kompañia internasional ENSUL Engenharia, S.A., tanba deskonfia mosu “irregulariedade” balun iha prosesu arendamentu rai ne’e rasik. 

Historikamente, iha tinan 2009 ENSUL Engenharia, S.A. hetan aporvasaun hosi governu liuhosi reuniaun Konsellu Ministru sira kona - bá arendamentu rai ho nia luan 22.635,00m2 iha kedas sidade Dili nia fuan laran, no tama ba tinan 2013 kuartu governu konstitusional ne’ebé lidera hosi primeiru - ministru, Kay Rala Xanana Gusmão halo lansamentu fatuk dahuluk (primeira pedra) ba rai ne’e, tanba ENSUL promete ba governu Timor - Leste katak sei halo investimentu ba rai ne’e ho valor osan hamutuk US $ millaun 18, maibé to’o oras ne’e seidauk iha buat ida. Iha mak rehabilita ka pinta de’it ruko oan sira iha rai ne’e nia laran.

Bazeia ba informasaun balun ne’ebé Tempo Timor asesu katak, hafoin asina kontratu ho governu Timor - Leste, empreza ENSUL la’ós halo investimentu, maibé halo fali subarenda rai ne’e ba  CFT, nia baze iha Luxemburg. Empreza sira ne’e rejista iha Luxemburg, tanba livre hosi taxa.

“Ida ne’e mak problema. Sira la investe ida. Sira aluga fali ba ita Timoroan sira ho valor a’as tebes. Tanba sira laiha baze legal ruma, ami deseidi hodi suspende tiha pagamentu ne’e, no hein esklaresementu hosi ENSUL,” hatete nain ba empreza Timoroan ida ne’ebé mós aluga tutan rai ne’e hosi Central Sociedade Comercial, S.A (CSC, S.A) ba Temo Timor iha Dili foin lalais.   

Emprezariu Timoroan ne’e relembra katak Governu Timor - Leste halo kontratu ho ENSUL kona - ba utilizasaun rai ho nia luan aproximadamente 22.635,00m2 iha sidada Dili nia fuan  ho kondisaun katak se eziste investimentu global ida ho valor osan US$ millaun 18 hodi hari Colmera Business Center mak to’o oras la eziste.

Tuir dokumentu kontratu entre CSC, S.A ho investidor nasionál sira ne’ebé Tempo Timor iha katak, kompañia ne’e mak sai nu’udar jestor prinsipal ba empreza ida seluk ho naran Compagnie Financiere Terria S.A. (CFT S.A), maibe ENSUL Engenharia, S.A. nia naran la eziste iha kontratu ho investidor nasionál sira. Iha parte seluk, Governu mós la rekoñese empreza CFT S.A nu’udar kompañia ne’ebé aluga rai hosi Estadu Timor - Leste, maibé rekoñese de’it empreza ENSUL Engenharia, S.A. Maibé, empreza CFT S.A. halo fali sub-arendamentu rai ne’e ba empeza nasionál sira ho valor ne’ebé superior hosi kontratu arendamente entre ENSUL ho governu.

Tuir portal Luxembourg Business katak, empreza CFT S.A. rejistadu nu’udar company incorporated iha Luxembourg ho númeru identifikasaun mak B46567. Empreza ne’e inkorpora iha 1994 - 02 - 10, entaun idade empreza ne’e kuaje besik tinan 24.3 ona ho tipu nu’udar Société Anonyme (S.A), no enderesu rejistrasaun mak 24, Rue Saint - Mathieu L - 2138  Luxembourg. Empreza ne’e mós iha nia sukursal iha Portugal, iha R. Elvira Velez, Torre A3 R/C Loja 4/C. 2825-485 Almada.

“Atu rehabilita ka pinta de’it ruko oan sira ne’ebé mak oras ne’e eziste hela desde Portugues nia tempu, kompañia Timoroan barak mós prontu ona hodi halo. Ida ne’e la persija empreza internasional,” esplika emprezariu Timoroan ida ne’ebé sujere ba governu foun persija halo revizaun ba kontratu arendamentu rai ho empreza ENSUL Engenharia, S.A iha tinan hirak ba kotuk.    

Empezariu ne’e hatutan, lei propriedade katak subarendamentu nia valor labele a’as liu arendamentu ho governu, maibé realidade hatudu katak investidor nasionál sira ka kompañia nasionál sira durante tinan barak ona selu arendamentu rai ne’e ba empreza CFT S.A ho valor osan ki’ik liu mak US $ 1200 to’o boot liu mak US $ 6700.

“Situasaun ne’e la kria kondisaun seguru ba kompañia nasionál sira hodi kontribui ba dezenvolvimentu ekonómia iha rai laran,” nia esplika.

Nia hatutan, empreza nasional hirak ne’e ohin loron hala’o ona investimentu ho osan rasik iha rai ne’ebe sira aluga hosi CFT S.A. ho valor osan US $ millaun ida resin ona.

Hafoin lansamentu fatuk dauhuluk iha tinan 2013, fundador empreza Ensul Engeñaria S.A, António Couto esplika, kontratu ho governu Timor - Leste definitivamente asina iha tinan 2012, no promete katak sei hari uma andar 10 ba Sentru Komersial no Finanseira ho durasaun tinan rua nia laran, maibé promesa ne’e la sai realidade to’o ohin loron.

“Investimentu ida ne’e hahú hala’o iha tinan sanulu liubá maibé kontratu loloos foin asina iha tinan 2012. Ami hakarak hahú obra ne’e no ami orgullu tebes, tanba hanesan konfiansa boot ida ne’ebé Governu Timór nian fó ami ninia empreza”, António Couto, fundadór empreza timoroan Ensul Engenharia nian, hatete.

Edifisiu ne’e sei harii ho besi no vidru, hakarakk kontribui hodi reabilita no moderniza kapitál timoroan nian, no sei iha andar sanulu, barak liu sei sai hanesan eskritóriu no estasionamentu ida.

“Obra ne’e sei kria postu serbisu barak no sei lori teknolojia foun sira ba Timór no ezijénsia maka’as tanba aposta ne’ebé ami halo maka edifísiu ne’e sei sai hanesan ho iha Lisboa, Paris no sei hanesan ho nesesidade Timor-Leste nian iha futuru”, António Couto hatutan. Iha parte seluk, eis Ministru Ekonómia no Dezenvolvimentu, João Mende Goncalves rekoñese katak nia mak asina duni akordu investimentu ba empreza ENSUL nian, maibé hafoin iha tempu ne’eba to’o oras ne’e nia la’ós ona nu’udar membru governu hodi tau matan kona - bá investimentu ne’e rasik.

“Se ha’u mak nu’udar membru governu nafatin ha’u sei halo avaliasaun ida ba prosesu investimentu ne’e rasik depois mak bele foti desijaun atu hapara ka la’e, maibé durante ha’u nia tempu ha’u hapara ona projetu ida iha Com, munisipiu Lautem, tanba empreza ne’e la kumpri saida mak nia asina ho governu,” hatete eis ministru João Goncalves ba Tempo Timor iha nia serbisu fatin, Landa Mark, Fatuhada - Dili, Kinta (24/05).

Nia hatutan, desijaun atu halo arendamentu ba rai ne’e desidi iha reuniaun Konsellu Ministru sira iha mandatu kuartu governu konstitusional nian.

Tempo Timor tenta konfirma assuntu ne’e ba parte ENSUL, maibé dirijente ENSUL nian laiha fatin, tanba desloka hela ba Portugal.

“Sira ba hotu Portugal. Dalaruma semana rua tan mak sira foin mai,” esplika traballador Timoroan ba Tempo Timor iha sira nia serbisu fatin, Pate, Kolmera - Dili. 

Emprezariu Timoroan sira ne’e mós rekomenda ba governu foun katak persija halo avaliasaun ba investimentu ne’e, tanba kuaje tinan 6 ona, maibé nia rezultadu mak halo de’it ruko ka baraka oan sira iha rai ne’e, no promesa atu halo uma andar 10 to’o oras ne’e la sai realidade. (Oki) 

Comment

Published in Ekonomia
Written by
Read more...
Polisia Unidade Patrulla Fronteira (UPF) hatun hela traballador MM hosi aviaun Air Nort iha loron, Kinta 3 Maio 2018.

DILI – Sekretáriu Estadu Juventude no Traballu (SEJT), Nivio Magalhães rejeita traballador ho naran inisial MM hosi munisipiu Baukau la’ós fuma no baku pramugari iha aviaun laran, maibé traballador ne’e iha problema itoan kona – bá lisan ka kultura iha nia familia uma laran rasik.

Nivio rejeita total informasaun sira ne’ebé espalla iha media sosial (social media) katak problema ne’e nia hun la’ós, tanba baku pramugari no fuma iha aviaun laran, maibé traballador ne’e iha problema itoan ho nia lisan rasik.

Iha loron Kinta, 03 Maio 2018, traballador Timoroan hamutuk nain 24 mak desloka ba Austrália, maibé nain 23 mak ba, no nain ida seluk ho naran inisial MM lakonsege ba, tanba halo problema iha aviaun laran.

“Sira hamutuk nain 24 atu ba serbisu iha Austrália, maibé mosu problema balun akontese iha aviaun Air North laran hanesan hakilar ho lian maka’as hasoru pragamugari sira. nune’e, nia labele halo viajen ba Austrália. Polisia BPU no autoriedade aeroportu hatun tiha nia,” hatete Nivio liuhosi konferensia imprensa iha nia serbisu fatin, Kaikoli – Dili, Sesta (04/05).

Membru governante mai hosi Partidu Demokrátiku (PD) ne’e hatutan, traballador MM nia tuir teste iha tinan 2016. Sira prontu kualker tempu bainhira empreza persija mak sira foin bele tuir tan selesaun ida hodi ba sserbisu iha Australia.

“Rekrutamentu ba MM ne’e via empregu exterior, no mós nia liu hotu hanesan selesaun dokumentu, fiziku ne’ebe hala’o iha tinan 2016. Pasa ho valor D iha teste fiziku,” esplika Nivio.

Iha fulan Outubru tinan 2016, MM tuir kursu lian Ingles iha Lorosa’e English Language Institute (LELI) to’o remata.

“Antes sira ba, sira tuir teste saúde iha klinika Cindranita, rezultadu di’ak katak fizikamente nia saude di’ak, tanba ne’e mak nia priense kriteria atu bele ba serbisu iha Austrália”.

Hafoin akontesementu nee, SEJT Nivio mós hetan ona relatóriu hosi parte imigrasaun no mós dadalia ona ho MM kona – bá problema ne’ebé akontese tiha ona.

“Nia konfesa mai ha’u katak sira hirus malu hela iha sira nia uma lisan,” esplika Nivio.

Trabalador ne’e sei kontinua halo tratamentu saúde, no seidauk iha desijaun final katak nia sei ba Austrália ka la’e.

“Ita hein rezultadu hosi konsultasaun saúde mak ita hare fali, tanba saida mak akontese ne’e nu’udar problema boot ida no afeta tebes ba governu no sira seluk”.

Dadalia entre Nivio ho traballador MM ne’e deklara katak bainhira autoriedade aeroportu no polisia dada sai nia hosi aviaun laran, nia sente buat ida, no foin sente hakfodak bainhira to’o iha edifisiu serbisu imigrasaun nian. (Oki) 

Comment

Published in Ekonomia
Written by
Read more...

@2018 - Tempo Timor. Developed by Kalohan.net

Top Desktop version