Tempotimor (Dili)-Ministru Obras Públika, Samuel Marçal, simu vizita husi Reprezentante rezidente United Nations Development Programme (UNDP) interina, Adeline Carrier no ekipa, hodi diskute inisiativa sira ne'ebé la'o hela, ligado ho servisu Ministeriu Obras Públika (MOP), iha sala Gabinete MOP, Caicoli.

Tempotimor (Dili)-Primeiru-Ministru (PM), Kay Rala Xanana Gusmão alerta ba membru Polísia Nasionál Timor-Leste (PNTL) tomak atu hala’o kna’ar tuir de’it artigu 147 Konstituisaun RDTL katak, polísia ho forsa seguransa tenke defende legalidade demokratika no garante seguransa interna ba sidadaun hotu no la inklina ba partidu polítika ka grupu ruma.

Tempotimor (Dili)-Governu liuhusi Konsellu Ministru (KM) konsege aprova dekretu-lei hodi fiksa valor subvensaun ba kandidatu Prezidénsia Repúblika ba Kampaña Eleitorál.

Tempotimor (Dili)-Primeiru-Ministru (PM), Kay Rala Xanana Gusmão hala’o enkontru ho Enkarregada Negosiasaun Embaxada Austrália mai Timor-Leste, Caitilin W hodi reafirma kompromisu Governu Austrália hodi kontinua apoia Governu Konstitusionál Dasia ba dezenvolvimentu nasaun Timor-Leste.

Tempotimor (Dili)-Konsellu Ministru (KM) liuhusi sorumutuk estraordináriu iha loron 10 fulan-agostu 2023, konsege aprova Orgánika Ministériu Administrasaun Estatál nian (MAE),  Orgánik Ministériu Asuntus Kombatentes Libertasaun Nasionál (MAKLN) no Orgánika Ministériu Defeza (MD).

Tempotimor (Dili)-Governu Filina sei fó apoiu mai Timor-Leste tuir planu no programa priodade Governu Konstitusionál Dasia nian.

Tempotimor (Dili)-Governu Brazíl reafirma kooperasaun bileterál hodi kontinua apoiua kapasita profesór Timoroan sira no apoia área medikamentu nian.

Tempotimor (Dili)-Primeiru-Ministru (PM), Kay Rala Xanana Gusmão hala’o enkontru ho Embaixadór Repúblika Indonézia mai Timor-Leste, Okto Dorinus Manik hodi diskute kona-ba implementasaun zona ekonomia livre iha fronteira ne’ebé sei iha prosesu preparasaun entre ekipa tékniku nasaun rua.

Tempotimor (Dili)- Embaixadór Malázia iha Timor-Leste, Amarjit Sarjit hatete, Governu Malázia prontu hakarak ajuda polítika desentralizasaun ne’ebé Governu Konstitusionál dasia sei implementa iha Timor-Leste tuir programa ne’ebé trasa ba period tinan 2023-2028.

“Ha’u halo ona vizita kortezia ho Primeiru MInistru Xanan, ami diskute kona-ba kooperasuan nasaun rua nian. Iha oportunidade ne’e ko’alia mós kona-ba aspetu servisu hamutuk iha futuru entre Malázia ho Timor-Leste, Primeiru Ministru tau atensaun ba importánsia desentralizasaun iha Timor-Leste no husu Governu Malázia hodi buka meiu fó apoiu hanesan formasaun ba funsionáriu sira liliu aspetu rua importante hanesan planeamentu no finanseiru nian”, informa Embaixadór, Amarjit Sarjit hafoin enkontru ho Primeiru-Ministru, Kay Rala Xanana Gusmão, Palásiu Governu.

Tuir informasaun ne’ebé www.tempotimor.com asesu husi Pájina Primeiro-Ministro RDTL: Kay Rala Xanana Gusmão, kuarta (09/08/2023) katak, Embaixador Amarijit konsidera programa rua ne’ebé Governu dasia atu implementa importante hodi hadi’a jestaun servisu administrasaun no finansas governu nian la’o di’ak liután.

Tanba hahú kedas iha tinan 2000 to’o agora, Malázia ajuda ona formasaun ba funsionáriu sira iha área The Malaysian Technical Cooperation Program (MTCP).

“Husi kedas tinan 2000 mai ne’e ita fó ona formasaun ba funsionáriu na’in-600 liu ho nia tipu oioin liuhusi programa The Malaysian Technical Cooperation Program, no ita sei oferese programa formasaun ida-ne’e ba funsionáriu sira maibé nafatin foku ba aspetu rua ne’e (administrasaun no finansas)”, reforsa nia.

Iha fatin hanesan, Primeiru-Ministru, Kay Rala Xanana Gusmão, agradese ba apoiu no husu ba Embaixadór atubele sai ponte hodi liga governu nasaun rua bazeia ba nesesidade Timor-Leste nian.

Apoia ne’ebé Governu Malazia fó ba Timor-Leste atu ajuda jestaun no finansas Timor-Leste atu hetan governasaun di’ak. (*)

Tempotimor (Dili)-Primeiru Ministru (PM), Kay Rala Xanana Gusmão hato’o felisitasaun ba aniversáriu Association of South-East Asian Nations (ASEAN) ba dala-56 (8 agustu 1967 - 8 Agustu 2023), tanba halo promosaun estabilidade, unidade ho paz iha rejiaun ne’e.