Tempotimor (Dili) - Sekretaria Estadu kooperativa (SEKoop), halo vizita traballu ba Universidade Nasionál Timor Lorosa'e (UNTL) hodi ko'alia kona-ba planu kria kooperativa ba universidade.

"Atu kria kooperativa ba universidade sira hodi asegura bem estar ba dosente, funsionáriu administrasaun universidade nian, inklui estudante, atu asegura sira nia bem estar família nian, sustentabilidade finanseira nian, no mós kontribui ba dezenvolvimentu ekonomia, liuliu área finanseira iha ita-nia rai-laran," dehan Sekretáriu Estadu,Elizário Ferreira, hafoin hasoru malu ho Reitór UNTL, iha Kampus, UNTL, Sesta (11/09).

Nia hatutan, liuhusi soru-mutu ne'e atu halo kooperasaun hodi servisu hamutuk, atu aselera reuniaun no diseminasaun informasaun ba funsionáriu, dosente, no estudante, atu hatene di'ak liu oinsá lala'ok kooperativa nian, nune'e bele asegura servisu kooperativa ba oin la'o di'ak liután.

Iha fatin hanesan, Reitór UNTL, Francisco Miguel Martins hateten, UNTL hanoin ona  atu halo kooperasaun tanba Estadu asegura no garante ho lei, tan ne'e sei la iha kestionamentu ba kooperativa ne'e.

"Ita-nia Estadu mós asegura no garante ho lei, sei laiha kestionamentu atu partisipa kooperativa ne’e", dehan nia.

Ne’e duni, sei hein sekretáriu estadu fó fali informasaun jerál kona-ba kooperativa, depois iha ona entendementu mak foin organiza oinsá fó fazeadamente, no formasaun ba membru sira.

"Oinsá atu hala'o kooperativa ne'e ho didi’ak no ho loloos iha ita-nia grupu nia laran, entaun formasaun ne'e nu'udar matéria ka instrumentu ida atu ema koñese didi'ak mekanizmu oinsá, lala'ok oinsá, implementa oinsá, atu bele normaliza, funsionamentu ne'e ba oin" dehan Reitór.

Nia haforsa, ba primeira etapa sekretaria estadu sei halo palestra, no universidade sei organiza semináriu ida ba sivista akadémika tomak, hafoin fó formasaun ba membru sira para asegura kooperativa ne'e.

Hotu tiha maka sira ba rejistu formalmente tuir lei ne'ebé iha atu bele hetan rekoñesimentu no funsionamentu formál  iha universidade nia-laran. (*) 

Tempo Timor (Dili) - Elizário Ferreira was standing among 20 other new government members in front of the presidential palace on 23 June 2020 after being sworn in as the secretary of state for cooperatives in the cabinet led by prime minister Taur Matan Ruak. 

TempoTimor (Dili) - Sekretáriu Estadu Kooperativa (SEKoop), Elizário Ferreira relata, durante sira-nia vizita ba munisípiu haat iha ponta leste hanesan Manatutu, Vikeke, Lautem no Baukau, problema ne'ebé kooperativa sira enfrenta maka laiha fundu atu dezenvolve sira-nia atividade.

Tempotimor (Baukau)-Kooperativa Maluba'i ne'ebé forma husi juventude na'in 15 ne'ebé kompostu husi mane na'in 13 no feto na'in rua, ne'ebé durante ne'e hala'o servisu foka liu ba área agrikultura nian, maka Kooredenadór Maluba'i Juvito Zeferino Guterres husu Sekretáriu Estadu Kooperativa (SEKoop) hodi apoiu formasaun para grupu refere bele dezenvolve kooperativa iha futuru.

Tempotimor (Dili)-Sekretáriu Estadu Kooperativa (SEKoop), realiza eventu expozisaun hodi komemora aniversáriu Frente Armada Libertasaun Nasionál Timor-Leste (FALINTIL) nian ba dala 45 iha eis Hely Port Lanud, Ai-tarak laran.

TempoTimor (Dili) - Sekretáriu Estadu Kooperativa (SEKoop) planeia ona hodi fó prioridade hadi'a kondisaun merkadu sira iha liña fronteira, nune'e sidadaun sira bele hadi'a sira-nia kondisaun ekonómia no hametin liután relasaun amizade entre nasaun rua.

TempoTimor (Dili) - Asosiasaun Halibur Difisiénsia Matan Timor-Leste (AHMDTL) trasa ona planu estratéjia ba tinan 2021 hodu harii kooperativa ba ema ho difisiénsia matan, nune'e bele fasilita sira-nia moris ekonomia iha futuru.

Tempotimor (Dili) - Sekretáriu Estadu Kooperativa (SEKoop) planeia ona atu distribui karrosa ba negosiante ambulante hamutuk ema na’in 400, iha Kapitál Dili, atu fasilita sira bele fa'an sira-nia sasán iha dalan ninin.

Tempotimor (Díli)-Sekretariu Estadu Kooperativa (SEKooP) kontinua esforsu hodi bele reforsa serbisu kooperativa iha Timor-Leste. Meius ida ne’ebé SEKooP foti mak akumula ideias husi organizasaun naun-governamental (ONG) nasionál no internasional ne’ebé eziste iha Timor-Leste.

TempoTimor (Ermera) - Governu liuhosi Sekretáriu Estadu Kooperativa (SEKoop) kompromete atu 'sulap' Bee-Mutin, Aldeia Batu'u, Suku Batumano, Atsabe-Ermera, sai área turizmu komunitária.