Ekipa Mobilizasaun Komunidade Hahú Tama-sai Suku

PNTL munisipiu Dili hapara Taxi ne'ebe tula pasajeiru hodi informa atu para ona no kumpri regras Estadu Emerjensia (30/3) PNTL munisipiu Dili hapara Taxi ne'ebe tula pasajeiru hodi informa atu para ona no kumpri regras Estadu Emerjensia (30/3) Foto Isac Oliviera

Tempotimor (Dili)- Ekipa mobilizasaun komunidade hahu tama sai suku sira iha Munisipiu Dili laran tomak hodi fahe informasaun kona-ba kombate Corona Virus Deasses 2019 (Covid-19).

Xefe Ekipa mobilizasaun komunidade, Agusta Amaral Lopes hatete, atividade ne'e sei la'o tama sai iha postu administrativu 5 iha munisipiu Dili.

"Ita-nia atividade ohin  hala'o iha postu hotu, esklui mak Atauru tanba ne'e ekipa fahe hotu ona entaun karreta sira fahe ba postu-administrativu hamutuk rua ou tolu, nune'e ita-nia hakarak suku sira ne'e tama hotu," dehan nia iha edifisiu Ministeriu Saude Kaikoli, Dili, Segunda (30/3).

Liu husi atividade ne'e, nia dehan, ekipa sei fahe informasaun ba komunidade sira oinsa atu prevene Covid-19 iha Timor-Leste.

Ekipa ne'e kompostu husi Komisaun Direitu Labarik, Ministériu Estatal, Ministeriu Edukasaun, inklui parseiru sira hanesan CVTL, Merystopes, Care Internasional, Mersycorps, Plan Internasional no UNICEF.

Xefe ekipa ne'e hatete, tuir planu atividade ne'e hala'o durante loron ida de'it.

Ekipa mobilizasaun komunidade ne'e hahú sira-nia iha tuku 09:00 no tuir planu sei remata iha tuku 17:30.

Rate this item
(0 votes)
Last modified on Thursday, 02 April 2020 20:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.