“Husu para joven sira tenke tau mehi ida, loron ida sira mak sei hetan rekoiñesimentu hanesan eroi ba dezenvolvimentu ba nasionál”, dehan nia hafoin enkontru ho Prezidente Repúblika, Francisco Guterres ‘Lú Olo’, iha Palásiu Prezidensiál, Bairopite, kinta (05/05).
Tanba ne'e, joven sira tenke aproveita ho selebrasaun loron restasaun independensia 20 maiu iha tinan ne'e, atubele halo preparasaun no refleta ba situasaun ida katak agora jerasaun tuan sai ona eroi ba libertasaun nasionál no nu’udar jerasaun foun tenke prepara-an sai eroi ba dezenvolvimentu nasionál.
“Dia 20 maiu nu’udar loron ida ne'ebé importante ba Timór tanba ita atu tama ba loron ida ne'ebá, timoroan lubun mak fó sira-nia vida, isin, balun ohin loron la hamutuk ho ita, ruin pedasuk de'it mós la hetan, e balun ohin loron ita-nia aman ho ita-nia maun sira ho ita, maibé sira-nia kondisaun sai hanesan mós ema ne'ebé defisiénte”, afirma nia.
Husu mós ba joven no jerasaun foun sira atu evita konflitu iha ambiente agora nian, no mensajen ida ne'e fo bebeik ona ba sira atu la'o tuir. (*)