Italianu iha Dili Negativu Covid-19, TL Seidauk Invade Husi Moras Global

Serbisu Saude sira halo atendementu ba pasiente ida deskonfia sofre Covid-19 Serbisu Saude sira halo atendementu ba pasiente ida deskonfia sofre Covid-19 Foto Geogle

Tempotimor (Dili) - Suspeitu Italianu ne'ebe deskonfia afeta Corona Virus Deseases (Covid-19) iha Timor-Leste, rezultadu teste laboratoriu hatudu negativa. Nune’e duni nasaun ne’e provizoriamente seidauk afetadu problema global Covid-19. 

Ministra Saúde (MS) interina, Elia dos Reis, hateten sidadaun Italianu ne'ebé deskonfia hetan Covid-19, rezultadu amostra husi Austrália negativa. 

"Ministériu Saúde simu fila hikas rezultadu negativu ba Corona Virus ka Covid-19", dehan nia, iha Palásiu Sinzas, Kaikoli, Tersa (10/3). 

Nune'e, apela ba populasaun Timor-Leste tomak atu labele pániku ho informasaun sira ne'ebe espalla iha média sosiál relasiona ho Covid-19. 

Nia hatutan, Ministériu Saúde kontinua esforsu hodi akompana situasaun no husu komunidade atu koopera no kolabora hamutuk ho espasu liña-ministeriál ne'ebe estabelese liu-husi primeiru ministru, atu halo servisu masimu hodi asegura no proteje populasaun tomak iha Timor-Leste.

"Ba populasaun ijiéne pesoál, fase liman ho sabaun beibeik, mear ka fani tenke taka ibun, mantein distánsia husi ema ne'ebe kustipasaun, tein na'an ka modo tasak mak han no atu komprementa malu labele kaer liman, maibe uza meus seluk atu komprementa malu", hakotu nia. (*)

Rate this item
(0 votes)
Last modified on Tuesday, 10 March 2020 18:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.