Maski nune'e, funsionamentu Parlamentu Nasionál la'o nafatin hanesan baibain.
"Depois Parlamentu Nasionál la aprova Orsamentu Jerál Estadu, atividade Parlamentu Nasionál la'o nafatin. Hanesan plenária (loron) Segunda até Tersa, Kuarta-Kinta atividade komisaun, audensia, depois fiskalizasaun la'o nafatin. Nune'e, Parlamentu Nasionál funsiona hela", dehan Prezidente PN, Arão Noé de Jesus, iha Palásiu Prezidensiál, Bairru-Pité, Kuarta (19/2).
Iha soru-mutu ne'e, tuir nia, Xefe Estadu apresia ho servisu PN nian mezmu iha diverjénsia polítika ne'ebé atravessa hela mas Parlamentu hanesan orgaun segundu funsiona nafatin.
Nune'e, Prezidente Repúblika husu ba deputadu hotu-hotu atu kontribui no mantein establiza situasaun polítika ne'ebé agora daudaun la'o.