La So'e Hela Responsabilidade, Taur Kontinua Asume PM To'o PR Dekreta Demisaun

PM Taur Matan Ruak ko'alia ba Midia iha palasiu Prezidensial PM Taur Matan Ruak ko'alia ba Midia iha palasiu Prezidensial Foto File

Tempotimor (Dili) - Primeiru Ministru, Taur Matan Ruak, deklara kontinua garante estabilidade governasaun too Prezidente Repúblika dekreta demisaun ba kargu Primeiru Ministru.


Xefe Governu hatete lia-hirak ne'e iha Palásiu Prezidensiál, Bairru-Pité, Tersa (25/2).

"Servisu nafatin. Siap ne'e komandante! Ita mós labele husik ita-nia nasaun sem diresaun hanesan karreta ida karik kondutór laiha," dehan eis-Jeneral ne'e.

Eis-Jenerál ne'e hatutan, razaun hatama karta demisaun tanba dadaun ne'e iha ona koligasaun foun ne'ebé lideradu husi CNRT kompostu tan husi partidu lima seluk hanesan PD, PUDD, Frente-Mudansa no UDT.

Maibé, Taur rasik nafatin sei kontinua asume responsablidade nu'udar Xefe Governu to'o Prezidente Repúblika, Francisco Guterres Lú Olo dekreta ofisiál ba karta demisaun.

"To'o tempu ha'u esplika ba populasaun mas agora buat ne'ebé ha'u atu hatete ba ita-boot sira katak pedidu demisaun ne'e só válidu kuandu Prezidente dekreta, enkuantu seidauk dekreta ha'u kontinua Primeiru Ministru," dehan Taur.

Entertantu, Xefe Governu ofisialmente hatama ona karta demisaun ba Prezidente Repúblika,  Francisco Guterres Lú Olo, tuir Konstituisaun artigu 112 katak Governu ida laiha bainhira Primeiru Ministru hatama demisaun ba Prezidenti Repúblika. (*)

Rate this item
(0 votes)
Last modified on Tuesday, 25 February 2020 11:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com