MTK Konsidera Mosu Ínternet Ilegál Ne’e Rumor

MTK Jose Agustinho da Silva ko'alia ba jornalista sira MTK Jose Agustinho da Silva ko'alia ba jornalista sira Foto File

Tempotimor (Dili) - Ministru Transporte no Komunikasaun (MTK), José Agostinho da Silva, konsidera informasaun ne'ebé mosu iha publika katak deskonfia kompañia estranjeiru lori ínternet ilegalmente ne’e rumoris.

"Ha'u mós rona, iha fulan hirak ba kotuk hau orienta autoridade nasionál komunikasaun sira ba halo investigasaun iha terrenu. Ha’u konsidera rumoris tanba ita presiza faktu husi autoridade sira ba (terrenu) nufim sira-nia relatóriu to’o mai ha’u dehan laiha indikasaun," dehan nia, iha Palásiu Governu, Kuarta (12/8).

Maski nune'e, José hateten, karik informasaun ne’e mak mosu fali tanba dinámika, entaun nia parte sei orienta fali tékniku sira atu verifika iha terrenu.

"Mas karik buat ne'e (informasaun) foun fali tanba iha dinámika, prontu ha’u presiza konkretiza orienta tékniku sira ba fali terrenu," tenik nia.

Entretantu, governante ne'e hateten, komunikasaun durante ne'e iha mak bandwidths 200 per second, husi 200 MB ne'e atribui ba 140 ajénsia governu nian.(*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.