Hakarak hetan subsídiu 60%, Média Tenke Rejistu iha INSS

Ministru Asuntu Parlamentár no Komunikasun Sosiál, (MAPKomS), Francisco M. Da Costa Pereira Jerónimo iha Parlamentu Nasional Ministru Asuntu Parlamentár no Komunikasun Sosiál, (MAPKomS), Francisco M. Da Costa Pereira Jerónimo iha Parlamentu Nasional Foto File

Tempotimor (Dili) - Liga ba média balun ne'ebé seidauk hetan subsidiu %60 husi Institutu Nasionál Seguransa Sosiál (INSS) sai preokupasaun ba deputadu sira iha Parlamentu Nasionál.


Iha plenária PN, Segunda (21/9), deputadu Bankada FRETILIN, Marito Mota, husu atu Ministru Asuntu Parlamentár no Komunikasun Sosiál, (MAPKomS), Francisco Jerónimo presiza fó esplikasaun.

Maibé, Ministru Jeronimo konsidera katak, kona-ba preokuoasun ne'e fila-fali ba média ida-idak.

Nia dehan, Governu prontu atu buka solusun maibé, iha pergunta boot ida katak durante ne'e média sira rejista iha INSS ka lae.

Tuir nia, maski preokupasaun ne'e kompeténsia governu nian atu buka solusun, maibé molok atu hakat ba faze ne'e governu hakarak hatene uluk média sira ne'e rejista ona ka lae para prienxe kritériu husi INSS.

"Agora governu iha pergunta ba sira katak durante ne'e sira rejista iha Institutu Nasionál Seguransa Sosiál ka lae?" dehan Ministru Jeronimo.

Kona-ba media ne'ebe seidauk rejistu INSS, nia husu para sira tenke rejistu ona tanba kritériu hotu governu prepara ona.(*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.