Deputadu CNRT “Sadik” Luís Roberto Tuku Malu

Meza ne'e deputadu sira baku rahun iha Parlamentu Nasional iha fulan Maio 2020 Meza ne'e deputadu sira baku rahun iha Parlamentu Nasional iha fulan Maio 2020 Foto File

Tempotimor (Dili)- Deputadu bankada CNRT Jose Pereira hahu “sadik” vise Prezidente Parlamentu Nasional Luis Roberto, atu tuku malu iha parlamentu nasional oin.

Kazu ne'e akontese bainhira deputadu sira husi bankada CNRT la simu linguajen manu kokotek, ne'ebe lansa husi vise Prezidente PN Luis Roberto iha plenaria segunda (26/10).

Deputadu sira husi bankada opozisaun CNRT ho ran nakali hahu haklalak iha plenaria, ikus mai Luis Roberto ne'ebé lidera meza desidi fo tempu ba deputadu sira deskansa minitu 15 iha liur.

Deputadu Jose Pereira konsidera vise prezidente PN tauk teen, tanba la fo fatin ba deputadu opozisaun atu halo intervensaun no defeza de onra, relasiona ho deklarasaun politika FRETILIN nian ne'ebe halo akuzasaun ba partidu CNRT.

Maski nune'e, Vise prezidente PN Luis Roberto hataan ho hamnasa de'it, kona-ba ameasa ne'ebe deputadu CNRT halo.

Luis Roberto hateten, nia parte koalia liafuan ne’e tanba deputadu sira husi CNRT laiha etika no haksesuk malu ho sira neebe dirije meza, tanba ne'e Luis Roberto hasai liafuan ‘deputada ne'e hanesan fali manu kokotek’.

Bainhira hare ba deputadu CNRT Jose Pereira ne'ebe kontinua hasai liafuan sadik no ameasa, maka deputada Olinda Guteres mos hahu dehan, "Imi rua tuku malu tiha”.

Maski nune’e, la akontese tuku malu tanba deputadu sira ameasa malu iha idaidak nia fatin to’o plenaria hotu idaidak fila ba uma.

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks