“Liga oituan ho reabilitasaun Aeroportu Baukau, ne'e la'ós de'it ko'alia kona-ba hadi’a lutu Aeroportu Baukau ne'e maibé mós iha lista ba aviaun ne'ebé ami hodi halo kontrolu ba tasi Timor”, dehan Kevin Blackstone hafoin enkontru ho Primeiru Ministru, Taur Matan Ruak iha rezidénsia, Farol, tersa (08/06).
Tanba EUA deside ona sei apoiu aviaun ida mai Timor-Leste hodi halo kontrolu no kombate peska ilegál durante ne’e iha tasi Timor.
“Aviaun ne'ebé sei mai hodi halo kontrolu ba área marítima Tasi Timor nian atu nune'e identifika peska ilegál sira uza aviaun ne'e halo vijilánsia hodi identifika peska ilegál iha ne'ebá”, afirma ina.
Maibé sei kordena aviaun ne'e ho autoridade relevante sira, nune'e koopera ba malu hodi obseva autór sira peska ilegál.
Embaixadór EUA mai Timor-Leste, la'ós koopera atu tulun de'it iha área seguransa maibé mós foku ba área sira ne’ebé antes ne’e halo ona akordu Governu Timor-Leste. (*)