Timoroan Ida Derepente Mate iha Ótel Lonxiang-Delta

By Tempo Timor May 25, 2022 17843

font size decrease font size increase font size
Print
Email

Ekipa Polísia Nasionál Timor-Leste hatama mate isin SB ba karreta forensik lori ba HNGV hodi halo prosesu autopsia. Foto Tempo Timor

Tempotimor (Dili)-Timoroan Mane ida ho naran inisiál SB derepente mate iha Ótel Lonxieng área Delta 2, Suku Komoro, Postu Administrativu Dom Aleixo, Munisípiu Dili.

Tuir informasaun ne'ebé www.tempotimor.com rekolla husi staff ne'ebé servisu iha Ótel refere katak matebian ba deskansa iha Ótel.

"Nia mai ohin meudia tama iha Ótel ne'e kala jam 12 hanesan ne'e pas nia tama mai ne'e ha'u-nia kolega mak atende no hatudu fatin ba sira”, dehan Staff Ótel Lonxieng ne’ebé lakohi www.tempotimor.com publika nia naran, iha Delta 2 Komoro, kuarta (25/05).

Matebian SB ne’ebé tama iha Ótel ho feto ida, hodi deskansa, ikus mai matebian hakotu iis iha kuartu laran.

"Nia mai ne'e ho feto nia iha vídeo ne'e, ne'ebé ema hotu haree ne'e”, haktuir nia.

Matebian husi Munisípiu Maliana dadaun ne'e nu'udar membru Polísia Nasionál Timor-Leste (PNTL) iha Unidade Korpu Seguransa Pesoál (CSP) ne'ebé seguransa iha área Parlamentu Nasionál.

Hafoin mate parte PNTL liliu forensika ho karreta evakua kedan mate-isin ba Hospital Nasionál Guidu Valadares hodi halo autopsia. (*)

Rate this item

(13 votes)

Last modified on Friday, 27 May 2022 01:11

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com