PM Taur: Labele Kanta Uluk Vitoria Hasoru Covid-19

Primeiru Ministru (PM) Taur Matan Ruak ko'alia hela ho jornalista sira iha edifísiu Ministériu Interiór Vila-Verde Dili, Sesta (4/9) Primeiru Ministru (PM) Taur Matan Ruak ko'alia hela ho jornalista sira iha edifísiu Ministériu Interiór Vila-Verde Dili, Sesta (4/9) Foto Tempo Timor

Tempotimor (Dili)-Primeiru Ministru (PM), Taur Matan Ruak hateten, Timor-Leste luta hasoru pandemia Coronavirus Disease 2019 (Covid-19) seidauk to'o nia rohan.

Tanba ne'e, husu ba povu lalika kanta uluk hananu vitoria. Nia dehan, moras Covid-19 perigozu, tanba seidauk iha vasina ne'ebé atu kura, nune'e husu atu mantein kumpre regra prevensaun hotu-hotu.

"Ita labele kanta lai vitoria, tanba moras ne'e sei la'o", dehan Taur, iha edifísiu Ministériu Interior, Vila-Verde, Sesta (04/09).

Nee duni, apela fali ba inan-aman, joven sira no sidadaun hotu atu halo prevensaun. Tanba iha mundu tomak ema infetadu juta 20-resin no mate besik juta ida.

Parte governu kumpre ninia funsaun halo ona meiu oioin hodi kombate pandemia Covid-19, tanba ne'e husu mos ba sidadaun hotu-hotu atu kumpre devér liuhusi kumpre regra prevensaun.

"Sidadaun sira mos iha obrigasaun fó nia kontribuisaun atu observa medida sanitaria ne'ebé Organizasaun Saúde Mundiál fo sai", dehan PM.

Nia hatutan, hotu-hotu lakohi kumpre regra prevensaun Covid-19 maka fasil moras atu da'et iha rai-laran.

Ne'e duni, sidadaun hotu atu kumpre nafatin regra ne'ebé OMS fó sai ona hanesan, distansiamentu sosiál, fase liman beibeik ho sabaun no uza maskra bainhira ba fatin públiku, atu kombate korrente Covid-19 nian iha rai-laran. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks