"Atu informa ba públiku katak, asidente sira ne'ebé mak akontese iha territóriu nasionál tomak iha fulan-novembru nia laran ne'e, ita bele hatete katak tipu transporte ou asidente tipu transporte ne'ebé mak envolve asidente barak liu mak nafatin okupa husi motorizada beat”, dehan Superentidente João Belo Reiss, iha komandu Jerál, Kaikoli (29/11).

Nune'e nu'udar xefe departamentu tránzitu nasionál, hakarak hato'o ba inan aman sira ne'ebé iha territóriu nasionál tomak, atu lori motorizada beat halai ho kuidadu.

Tanba tipu transporte ne'ebé kauza asidente kuaze pursentu neennulu (60%) iha teritáriu nasionál nafatin husi motorizada beat.

Aleinde ne'e, iha semana kotuk mós Polisia Tránzitu rejistu kazu asidente hamutuk 36 ne'ebé kompostu husi ema na’in-2 lakon vida, na’in-6 kanek todan, restu kanek kma’an. 

Husi asidente hirak ne’e, iha prosesu hothotu balun remata ona, no balun aprezenta ona ba tribunál. (*)