Sidadaun ne’e orijem husi Postu Administrativu Laklubar, Munisípiu Manatutu ho naran inisial AmS, tinan 52.
Sidadaun ne’e nu'udar membru Konsellu Polisiamentu Komunitaria (KPK) iha Suku Bebonuk, Postu Administrativu Dom Aleixo, Munisípiu Dili.
"Iha loron domingu tuku 6 dader ne’e membru sekreta UPF, halo vijilánsia iha pilar 4 Mota-Ain, konsege kaptura sidadaun mane na’in-1, nia ema Manatuto Laklubar, ne’ebé ho intensaun atu tama ilegál liuhusi área fronteira ba Indonézia”, dehan Komadante UPF, Superentidente Euclides Belo, liuhusi telefone, domingu (05/12).
Dadaun ne'e nia iha Kuartel UPF-Batugade hodi halo identifikasaun hafoin entrega ba Postu Batugade, Komandu Munisípiu Bobonaro nian. (*)
