“Aproveita mós oportunidade hodi kongratula Xina ne’ebé sai uma na’in ba ASIA Games ba dala-19. ASIA Games importante ba Timor oan sira, tamba iha oportunidade atu lori mai iha ne’ebé, ekipa atleta sira. Ami la iha oportunidade hanesan baihira ko’alia kona-ba jogu olimpiku nomós ASIA Games reflera konkista bo’ot ne’ebé Xina hetan iha dekada era foun”, dehan PM Xanana Gusmão.
Timor-Leste hanesan nasaun foun, seidauk kleur moris iha okupasaun estranjera no durante okupasaun Timor laiha amigu barak. Timor abandonadu husi osidente ne’ebè mak interessatu atu hakbesik ba ditadura, no Xina apoia Timor-Leste nia luta no oferese asisténsia no ida ne’e, Timor-Leste nunka bele haluha.
Ba futuru Timor-Leste atu sai di’ak liután, Timor-Leste sei hametin ninia kooperasaun bilaterál ho nasaun hotu atu ajuda dezenvolvimentu no ekonomia Timor-Leste.
Parte seluk, PM Xanana agradese mós ba Xina ninia apoiu ba Timor-Leste atu sai membru ASEAN.
“Ha’u hakarak agardes Xina nia apoiu ba adezaun Timor-Leste ba ASEAN no ami konsidente katak, ASEAN sei sai rejiaun ne’ebé ekonomikamente dominante iha mundu.
Timor-Leste sauda mós Xina nia apoia ba kestaun nasonál no salvaguarda Timor-Leste nia soberania, seguransa no interese ba dezenvolvimentu.
Tanba Timor-Leste apoia kooperasaun internasionál, la’ós konflitu, Timor fiar katak, kooperasaun internasionál mak xáve atu rezolve problema boot sira ne’ebé mundu hasoru, hodi evita funu, apoia dezenvolvimentu ekonómiku no hasoru realidade kona-ba altersaun klimátika.
Nune’e, Timor-Leste mesak hanesan mós nasaun viziñu pasífiku, nasaun balun risku atu mout, tanba de’it nível tasi sa’e, tanba frakeza husi osidente hodi limita emissaun Carbono.
Entretantu, Timor-Leste hola parte iha organizasaun naun govermenta g7+ ne’ebé halibur nasaun 20 liu ne’ebé enfrenta frajilidade no konflitu iha Afrika, ASIA no Illa Pasífiku agora hamutuk hodi ko’alia kona-ba koperasaun no asisténsia ekonomika. Iha g7+ agora iha estatutu observadór iha Organizasaun Nasaun Unidas (ONU) hala’o nia serbisu kona-ba dezenvolvimentu globál ba nasaun membru sira.
Enkontru PM Xanana no Xefe Estadu Xi Jimping akompaña direita husi Vise Primeiru Ministru, Ministru Koordenadór Asuntus Ekonómiku no Ministru Turizmu no Ambiente, Francisco Kalbuadi Lay, Ministru Administrasaun Estetal, Tomás do Rosario Cabral, Ministru Planeamentu Investimentu Estrateziku, Gastão de Sousa, Ministru Juventude Desportu Arte no Kultura, Nelio Issac no Embaixadór Timor-Leste ba Xina, Abrão Santos. (*)