Tempo Timor Online

Tempo Timor- Tuir nota de imprensa ne’ebe fo sai husi Embaxada Australia iha Dili informa katak Ró komponente naval Austrália ‘HMAS Huon’ mai vizita Dili, Timor-Leste husi loron 19-25 Augustu hodi partisipa iha komemorasaun loron FALINTIL. 

“Vizita ne’e mos hanesan oportunidade ida atu fó treinamentu maritima ba Komponente Naval Falintil-Forsa Defeza Timor-Leste (F-FDTL) hanesan parte husi bilaterál defeza ne’ebé besik entre Timor-Leste no Australia ne’ebé oras ne’e la’o hela”, hakerek iha note de imprensa ne’ebe redasaun Tempo Timor simu.

Tuir observasaun husi politiku balun iha Dili dehan wainhira Timor-Leste hari komponente Naval Governu Australia ladun afavor nune’e Governu Timor-Leste foti desizaun hodi sosa ro rua husi Xina maibe ikus mai Governu Australia mos hatudu sira nia interese hodi tulun dezenvolve komponente Naval F-FDTL ninian.

“Liu husi apoiu Programa Kooperasaun Defeza nian, ró ‘HMAS Huon’ lori ekipa membrus F-FDTL ba iha tasi laran iha loron 24 Augustu hodi fahe matenek kona-ba mariñeiru, kontrolu ba etragus, hamate ahi, manutensaun ba ekipamentu protesaun no enjeñaria. Memebrus F-FDTL nain rua sei tuir ró refere no aranka hikas ba iha Darwin hodi hetan esperiensia adisionál”, informa iha Komunikadu de imprensa husi Embaxada Australia ninian ne’e.

 Programa Defeza Australia nian eziste ona iha Timor-Leste desde hahu iha inisiu tinan 2001, hanesan parte husi atividades kooperasaun rejional tomak iha Pasifiku. Programa ne’e atu hasae kapasidade F-FDTL no Ministeriu Defeza nian atu tulun nasaun garantia ninia seguransa rasik. Komponete Naval Royal Australia dedikadu tebes atu servisu besik liu ho As.

 

Tasi Timor-Leste sempre hetan ameasa husi peska ilegal no trafiku ema husi nasaun balun iha ASEAN. Iha loron 27 fulan Agusto 2015 komponente Naval F-FDTL konsege kaptura ro peska ilega hat no ema lima nolu resi ne'ebe halo hela atividades peska ilegal iha Tasi Timor-Leste ninian. 

Publika iha Seguransa Defesa

 

 

 

Tempo Timor : Eis Komandante Forsa Armada Libertasaun Nasional Timor-Leste (Falintil), Rogerio Tiago Lobato hateten, reforma iha militar ne’e normal, tanba bainhira ema ho idade katuas ona laiha ona forsa atu hala’o servisu military nian ne’e duni tenke reforma ona.

“Aktividade militar ne’e eziji forsa ne’ebe maka iha fiziku di’ak, ne’e duni ba sira hirak ne’ebe katuas ona tenke reforma hodi pasa ona ba vida sivil no iha ne’e maka estadu bele apoiu sira, la’os liu de’it husi siguransa social, maibe mós kria oportunidade ba sira, kria kondisois iha banku ba sira para hodi bele fo kredit ba sira hodi fila liman,” dehan Lobato ba Jornalista sira iha Tasi Tolu, Dili hafoin partisipa serimonia tinan 40 Falintil (20/8).

 Lobato haktuir, ita tenke husik forsa tuan sira ba reforma atu bele dezenvolve sira nia moris rasik.

Entertantu, Antonio da Costa Silva (Terra Mauk bulak) hafoin seremonia entrega kilat hodi muda ba vida sivil hateten, simu ba povu nia liman kroat no kmeik ne’ebé lori durante tinan 24 hodi halo funu hodi liberta patria no agora intrega no simu no lori ba hodi defende povu no nasaun ida ne’e nomós kria pas no establidade iha nasaun ne’e.

Terra Bulak haktuir, jerasaun foun sira ne’e edukuadu tena, hau hanoin oinsa mak sira bele halao kna’ar ida ne’e,  kompentensia ba militar nian liu husi governu informa ba  jerasaun foun atu kontinua Falintil nia terus durante tiana 24 nia laran.

Nia dehan, agora ita hetan ona indepedensia no mos iha situasaun hakmatek nia laran, ne’e duni resposablidade ba jerasaun foun sira atu tutan mehi ida ne’e hodi dezenvolve ita nia rai.

“Ami hanesan jarasaun tuan, eduka tiha ona no hanorin tiha ona ba jerasaun foun, ne’ebe jerasaun foun  sira tenke dezenvolve F-FDTL di’ak liu tan ba futuru,”  informa Tera Mau Bulak. 

Nia esklarese katak, uluk sira maka forsa no agora mos iha forsa, ida ne’e solok tebes ba povu timor-oan tomak. Tanba iha lei hatete katak, ami ne’ebe mak idade ona tenke diskansa.

Iha fatin hanesan, Sargento FALINTIL Forsa Armada Timor-Leste(F-FDTL), Edmundo da Silva dehan hanesan jerasaun foun sente orguilho hodi hatutan no vale todan ne’ebe husik hela husi jerasaun tuan sira. Nia hateten lia hirak ne’e wainhira simu kmeik no kroat husi jerasaun tuan.

 

“Ami simu no lori hodi hatutan husi jerasaun ba jerasaun, hodi tane no satan Timor-Leste nia soberania, no estadu direitu demokratika no salva mos lutu ba nasaun republika demokratika de Timor-Leste(RDTL), no sai mos liman kroat povu nian, hanesan asuain funu nain Falintil sira,” Edmundo promete. (**)

Publika iha Nasional

 

Autor : (José Câncio da Costa Gomes, um Timorense e estudante de pós graduação no estrangeiro) 

 

Neste artigo simples eu queria manifestar a minha preocupação como um timorense. É uma expressão de tristeza e de dor dirigida aos dirigentes do meu País que ainda não deixam a mentalidade guerrilheira. Admito que o conteúdo deste artigo não agrada muito para alguns, mas considerando num país democrático cada cidadão tem obrigação moral para denunciar o mal que acontece em Timor-Leste. Matar um adversário político em nome do interesse nacional nunca se pode justificar moralmente. Pior ainda usam o poder que eles têm para mobilizar as instituições do Estado Timorense contrariando a Constituições da República. Com armas pesadas perseguiram um grupo sem armas e mataram-nos é muito lamentável. Esta barbaridade não devia acontecer. Os governantes não podem apontar os dedos ao Mauk Maruk por não lhes ouvia mas ao contrário eles que não queriam ouvi-lo as suas queixas sobre injustiça, mal governação, corrupção, nepotismo, mal gasto o dinheiro do Povo, obras sem qualidade, abuso de poder, etc. Por isso, a sua exigência para dissolver o Parlamento Nacional é normal num país democrático. É consequência de um Parlamento onde não há oposição para travar o Governo. O que Mauk pretendia dizer é que este tipo de Parlamento já não tem credibilidade de representar o Povo para controlar o Governo. Foi nesta linha que ele exigia para dissolver o Parlamento. Acho que Mauk era o verdadeiro opositor ao Governo, mas acabou por ser preso sem julgamento. A perseguição política contra ele continuou depois de ter sido liberto de prisão culminando com a sua morte muito sádica. É muito injusto de tratar um cidadão desta maneira tão violenta e cruel.             

Os governantes, os deputados e o Presidente da República de Timor-Leste deviam ouvir a prudente opinião do deputado Manuel Tilman que questionava a constitucionalidade da resolução do Parlamento Nacional para formar a operação conjunta entre F-FDTL e PNTL. Esta resolução foi imposta pelo Governo liderado pelo Xanana Gusmão, o homem todo-poderoso em Timor-Leste. É consequência por não ter oposição no Parlamento Nacional, o papel da oposição já não funciona. Esta operação revela duas coisas muito sérias: Inconstitucionalidade e Injustiça. Senhor Manuel Tilmam teve razão que em Timor-Leste não há guerra para chamar as Forças Armadas envolver na operação contra o grupo ilegal liderado pelo Paulino Gama, alias Mauk Moruk. Isto é o trabalho de Policias, não é de Forças Armadas. Ninguém pode tomar uma decisão desta natureza contrariando à Lei Fundamental da Nação. Tudo parece uma propaganda do Governo com cumplicidade do Parlamento Nacional e Presidente da República para abater um adversário político. Este cenário político é um crime contra os direitos fundamentais de cada cidadão, contra a democracia. 

Na minha ótica, a morte de Mauk Moruk é uma ajusta de contas entre ele e senhor Xanana, problemas pessoais vindos do passado. Há sempre muitos espaços para diálogo. Ninguém pode usar o seu poder mágico, carismático, para justificar os seus atos criminosos mesmo que os fizesse em nome de interesse nacional. Cada cidadão não deve ter medo de denunciar os crimes desta natureza. A sociedade civil tem responsabilidade moral para denunciar o crime dos seus governantes enquanto os deputados já não falam em nome do Povo. É absolutamente inadmissível que o Governo tenha imposto a sua vontade sobre o Parlamento Nacional, Tribunal e ainda por cima a Presidência da República. A resolução do Parlamento Nacional para formar a operação conjunta entre F-FDTL e PNTL foi claramente imposta pelo Primeiro-Ministro então “Xanana Gusmão”. As suas intervenções tanto no Parlamento como nos tribunais manifestam claramente um ato anti democrática. Estas dão-nos impressão de um regime ditador que faz tudo em nome do interesse nacional com outro motivo para calar os seus adversários políticos. Mauk Moruk era muito vocal contra a má governação do Governo de Xanana, corrupção, nepotismo, abuso de poder, e ainda por cima denunciava os segredos do passado. Há evidências, mesmo que sem provas, o Alfredo Reinado foi assassinado por ter revelado o segredo da figura mágica ao público, através de um canal televisivo da Indonésia. Agora Mauk foi liquidado por ter denunciado o segredo deste senhor. Ambos foram vítimas do interesse nacional, um cenário criado por a mesma pessoa. Eu conhecia também o cenário político de alto nível deste senhor todo-poderoso, mas não quero revelar por razão de segurança daqueles que me revelaram. Portanto, a guerra ainda não acabou na cabeça deste senhor. Neste contexto, eu entendo perfeitamente a posição do Senhor Presidente da República e Senhor Comandante das Forças Armadas perante este senhor todo-poderoso.  

Os membros da operação conjunta também usam propagandas falsas para justificar as suas ações, claro que eles tinham medo do comandante Xanana. Disseram que Mauk Moruk e os seus membros usaram armas pesadas é uma mentira. A conferência de imprensa do Senhor L7, irmão do Mauk, no dia 9 de agosto não me surpreendeu porque tudo já fazia parte do cenário político do homem grande lançando propaganda falsa para abater Mauk Moruk, o maior adversário político dele. Para mim ele já perdeu a sua dignidade e credibilidade como Maun Boot e símbolo da unidade nacional. Mauk Moruk revelou o que este senhor tinha feito durante a luta nas montanhas eliminava os seus adversários políticos. Só Mauk que tinha coragem de confrontar este grande peixe revelando o crime dele. O padrão daquilo que ele tinha feito nas montanhas ainda continua hoje começando com a crise política de 2006 quase tirou-lhes a vida de alguns adversários políticos. 

Eu não justifico a maneira que Mauk Moruk usou para resolver os problemas mas queria sublinhar algumas razões que ele queixava sempre: corrupções, nepotismo, mal administração, falta de controlo dos ministros, mal gasto de fundos do Povo, abuso de puder etc. O senhor Primeiro-Ministro Xanana Gusmão devia ter humildade de ouvir as suas queixas procurando maneiras para resolver pacificamente. Mesmo que tivessem iniciativas de diálogo mas parece que não era genuína, portanto, Mauk recusava. Há sempre muitas maneiras de reconciliação como o senhor Xanana defendia em dialogar com os refugiados timorenses e os indonésios. Usando a força para aniquilar um adversário político é crime. 

É evidente que Xanana ganhava eleições por opressão política sobre os seus adversários aproveitando a sua imagem como Maun Boot, o seu carisma pessoal. Ninguém quer investigar a sua agenda escondida, conhecida como o cenário político de alto nível, mesmo que soubessem não tenham coragem de a revelar. Na realidade o problema de Mauk Moruk era um assunto pessoal entre ele e este senhor mágico desde o tempo de luta nas montanhas. Por isso, Mauk Moruk entregara-se aos inimigos e depois refugia-se em Holanda. Mauk conhecia bem a mentalidade guerrilheira do Xanana. Há padrão que justifica esta percepção. Os sinais manifestam que em Timor-Leste não há justiça, o que sai da boca e da mente deste senhor todo-poderoso é que está em cima de tudo. Corrupções no seu Governo, os outros foram presos mas ele é sempre imaculado. O problema de Martinho Bere foi Primeiro-Ministro, Xanana, que tinha dado orientação por razão do interesse nacional, fabricada por ele próprio, mas no fim o chefe de emigração é que foi culpado e vai ser preso. É um homem que só pensa em guerra e matar, depois fala de paz e reconciliação, justiça e perdão. Eu pessoalmente perdia a minha confiança nele como Maun Boot desde 2006 quando ele dividiu o Povo Timorense entre “Loro-monu e Loro-sae”. Alguns timorenses perderam a vida nessa altura, não conta com os danos materiais, por sua causa. Ele já tinha revelado este seu cenário político aos refugiados em Kupang no ano anterior de 2006. Um Maun Boot deve unir os seus irmãos; mas quando ele os divide, persegue e mata então tornou-se um estranho e inimigo. Assim deixou-se de ser Maun Boot. É um homem mesmo todo-poderoso que ninguém pode apontar os seus erros. 

Já basta com a sua perseguição política. É preciso desmantelar a sua mentalidade de guerra que tende para perseguir e matar os seus adversários políticos, que são realmente os seus irmãos timorenses. É absurdo que ele abraça os seus antigos inimigos reconciliando com eles e por outro lado aniquila os seus irmãos, conterrâneos e compatriotas. É muito lamentável a morte de Mauk Moruk e seus membros. Paz à sua alma. 

Publika iha Opiniaun



Dili, Tempo Semanal- Dezde loron 21 fulan Marsu tinan ne’e Komando Operasaun Konjunta hala’o operasaun ho durasaun semana tolu ninian laran foin iha loron 07/04/2015 maka forsa F-FDTL ho PNTL konsege deteta subar fatin membru balun husi grupu Konsello Revolusaun Povu Maubere/Fretilin Movimentu (KRPM/FM) nune’e halo kedan aproximasaun maibe tuir komando Operasaun Konjunta alega katak parte sorin KRPM/FM maka tiru uluk.

“Forsa FDTL, ami iha regras empeniamentu ne’ebe klaru I ami nia forsa sira ate agora sempre kumpri. Portantu ami so tiru kuandu forsa opozisaun tiru uluk. Enkuantu ne’e la iha ami la reazen”, dehan Segundo Komandante F-FDTL, Brigadeiru Jeneral Filomeno Paixao ba jornalista sira iha Konferensia da Imprensa ne’ebe hala’o iha Kuartel F-FTLD, Fatu Hada Dili (07/04).

Nia argumenta katak wainhira membru F-FDTL ho PNTL sira hiit a’an ba iha subar fatin grupu ne’e, “husu, apello para sira tun. Ita nia forsa maka hetan uluk, husu apello para sira tun i sira lakohi tun I sira tiru hasoru ne’e mak ita reazen”.

Filomeno esplika mos katak, “ami identifika ona, grupu ne’e armadus, nia provas maka kartuseiras ne’ebe ohin ita foti agora iha polisia nia liman”, Jeneral Fitun ida ne’e hateten.

Tuir esplikasaun husi Brigadeiru Filomeno inform aba publiku katak komando Operasaun Konjunta deteta ona grupu Mauk Moruk la’o ho kilat.

“Identifika sira iha nain walu maka oras ne’e sira subar iha caverna I oras ne’e forsa sira halo progresaun nafatin ou halo operasaun nafatin ba sira I espera katak ohin lokraik ne’e (08/04) ita hetan rezultadu”, informa Filomeno Paixao.

Dezde de operasaun ne’ebe FALINTIL-Forsa Defesa Timor-Leste (F-FDTL) ho Polisia Nasional Timor-Leste (PNTL) hala’o ne’e konforme diretiva politika ne’ebe sai kedas dezde iha dia 09 de Marco de 2015 aseguir depois de akontesimentu iha Baguia Nune’e iha dia 13 de Marco diretivas husi komandante Jeneral FDTL ho Komisariu PNTL hasai para depois hala’o ka implementa diretiva politika ne’ebe sai tuir rezolusaun Governu nian, I nune’e husi 13 de Marco to’o iha 21 de Marco iha preparativus forsas polisiais ho militar iha ne’ebe komandnate rua (husi F-FDTL ho PNTL) halo ona prozesaun forsa husi komponente terestre  Baukau ba iha teatru da operasaun foin maka Operasaun Konjunta konfronta forsa husi KRPM.

“Foin daudauk, iha hodiseik iha akontese portantu foin iha enkontru loloos entre  ita nia forsa ho forsa husi sorin nian, husi KRM nian ne’ebe komandado por iha area Selegua iha Suku Sagadati. Portantu ita nia forsas konsege identifika sira nia paradeiru I tama de surpreza ba sira no iha momentu ne’e ita nia forsa husu liu halo oin sa sira bele entrega a’an de’it maibe sira reazen I tan ba sira reazen ita nia forsa mos reazen, iha ne’e maka akontese enkontru de tirus hhusi rezultadu ohin loron mak ita foin hatene tan ba besik lokraik ona, komesa husi tuku rua too lokraik akontese iha fatin ida ne’ebe iha noveru maka’as ka udan maka’as I ita deteta duni katak I forsa sira husi opozisaun ida monu husi (rai naruk) mibe ita seida’uk konfirma lolo’os dehan nia moris ka nia mate”, Nia hateten.

Nia esplika katak, “husi enkontru ida ne’e, ita konsege portantu kaptura ema nain sanolu resin neen. Husi Sanolu resin ne’e tolu labarik ne’ebe amo liberta ona no sanolu resin tolu ne’e agora entrega iha forsa polisial ne’ebe posta iha halo interogatoriu atu nune’e interogatoriu ne’e konduz mai iha Ministeiru Publiku”.

“Kona ba provas ka evidensia ne’ebe ita hetan, katak sira ema armada duni, kartusera ida, kaneka militar ida hahan be T2 ne’e kalen rua ho barak sira han tiha ona, gas matan nian marka RK4 ida, telefone fixu telemor ne’e ida, rama ambon ida, rama ambon musan hat, katana ida, batar uut, foos, karegador solar sel, mina rai, bi moli ho fugaun gas nian. Portantu bu’at sira ne’e hotu hatudu katak iha area ne’ebe sira estabelese sira akampa hela ho fins ne’ebe ita deskuinese mas it abele hare katak sira evita husi forsa ne’ebe oras ne’e daudaun halo operasaun. Sasan sira ne’e agora daudaun iha ita nia liman ho ema sira ne’ebe agora halo hela inetrogatoriu ita sei bele hetan rezultadu lolo’os realidade ou verdade ne’e iha ne’ebe”.

Maske F-FDTL ho PNTL hala’o hela operasaun no mosu ona tiru malu maibe Brigadeiru Paixao sei nafatin husik lia menon atu Mauk Moruk ho ninia grupu atu entrega a’an.

“Ami hateten ba imi, fo hatene tan katak operasaun sei la’o kontinua nafatin.
Por outro lado ami halo apello ba iha autoridade lokais, autoridade civis para kontribui nafatin ho  forsa militar ho polisiais no sentidu de forma dialetiku ou forma olestiku kompriensivu para hotu-hotu fo apoiu, la’os husi parte polisial ho husi parte militar de’it maibe husi parte sivil nian hare de uma forma transversal katak halo nusa maka fo apoiu ba populasaun ne’ebe agora kapturadu ne’e ho sira rendidus mak oras ne’e ka to’o data ne’e (08/03) hamutu 228 pesoas ona, halo nusa maka ita halo sira nia reintegrasaun, halo nusa maka tau matan ba sira I de uma forma preventivas, ita hare oin sa maka sira labele monu fali ba iha portantu sala ne’ebe agora sira halo”.

“Aproveita mos oportunidade ne’e halo apello ba iha ita nia maun alin, Senor Mauk Moruk ho nia grupus atu fo hatene katak ita moris iha estadu de Direitu ida, iha ne’ebe neste momentu ita moris hotu de baixo da lei aparti de prezidenti to’o iha populasaun normal, liu husi forsas armadas, liu husi forsas polisiais, iha ne’ebe ita hotu iha direitu atu defende a’an iha Tribunal ida atraves de uma defensoria ne’ebe Senor Mauk Moruk ho nia membru sira mos iha direitu ida ne’e. Tan ba ida ne’e maka ami iha ne’e repete nafatin dialogu ne’e importante. Ami la dehan dialogu ne’e katak atu mai ko’alia ho ami maibe dialogu para en sentidu hasoru ministeiru publiku, ba hasoru Tribunal, ba buka defensoria, ba buka halo oin sa hasoru malu ho ita nia nai ulun sira, ba buka solusaun ne’ebe demokratiku, solusaun ne’ebe kabe iha entendimentu iha estadu demokratiku ida I solusaun ne’ebe evita deramamentu sangue ba populasaun mos solusaun ne’ebe evita ita nia populasaun sofre tan ka terus tan hanesan uluk. Ba ida ne’e ami fiar katak senor Mauk Moruk ho grupu ne’ebe apoiu ba iha nia, sira mos terus ba iha rai ida ne’e, sira mos hakarak katak rai ida ne’e moris ho nonok tan ida ne’e maka ami nia apello ne’e prevalese nafatin apezar ke bu’at ne’ebe akontese hodiseik, apello ne’e prevalese “.

Tuir Observasaun parte Intelijen Estadu Timor-Leste fraku tebes hodi nune’e hamosu difikuldades bo’ot ba iha operasaun konjunta F-FDTL ho PNTL atu  identifika paradeiru lider Konsello Revolusaun Maubere, Mauk Moruk maibe Brigadeiru Jeneral Filomeno Paixao esplika ho diplomatikamente.

“Difikuldades imi hotu hatene barak, nao e fasil. Ohin ne’e ita iha meus ne’ebe sofistikadu. Ita iha meus de informasaun ne’ebe bele lori ema ida ohin nia desloka fasilmente iha sidade laran. Tan ba ida ne’e maka ami repete ne’e, ami husu kontribuisaun hotu-hotu nian. I primeiru imi atu kontribui imi tenke konvense a’an katak Senor Mauk Moruk halo bu’at ida ke lalo’os”, Brigadeiru F-FDTL ne’e hateten.

Tuir mellor estudante UNTL iha area Direitu ne’e dehan Timor-Leste konstituisaun ne’ebe prezerva direitu ema hotu-hotu ninian.
 
“ita nia konstituisaun iha artigu barak ke hateten. Komesa iha ne’e nia (Mauk Moruk) ko’alia atu hatun konstituisaun. Como e ke bele hatun konstituisaun? Iha artigu 154 konstituisaun ita nian temi rebizaun konstitusional. Iha ne’eba hateten hotu bainhira maka bele halo revizaun konstituisaun. La’os id aka grupu ida hamriik mai, ita halo revizaun konstituisaun. Ne’e Esyadu saida maka ne’e? Estadu Panana ou Estadu Direitu? Iha ne’e ko’alia kona ba advokasia 135 no 136 artigus iha konstituisaun nian. Ita ema ne’e lori ita ba Tribunal ita iha kazu ruma, ita iha direitu buka defensoria. Portantu ita nia konstituisaun iha kobertura para kualker sidadaun ida  bele moris avontade iha Republika ida ne’e. Iha artigu 118 ko’alia kona ba Tribunais I artigu 70 ko’alia ba partidu politikus. Se maka hakarak sai bo’ot no se maka hakarak governa rai ida ne’e loke partidu politiku. Portantu primeiru polusaun no ita hotu tenke konvense katak Senor Mauk Moruk ba kontra artigu sira ne;e ka la’e? Se nia ba kontra entaun iha situasaun ida ke ilegal I ainda mais ba asalta fali ita nia forsa sira iha operasaun sira iha distritu Baukau ke remata iha dia 08 (marsu) iha Baguia I hadau tan Pistola rua, Ne’e agora legalidade ida ne’ebe maka iha? Ne’e maka ami nafatin, ami apella ba populasaun no apella ba ema hotu-hotu sein esklui ema ida, favor hetan Senor Mauk Moruk iha ne’ebe de’it informa mai. Ami la’os atu ba ka’er nia atu oho nia. Servisu ne’ebe ami simu husi Governu ami atu ba ka’er duni Senor Mauk Moruk ba entrega iha Ministeiru Publiku, ba hatan iha ne’eba. La’os ami ba ka’er nia atu oho nia ka atu estraga nia, anaunser nia maka reazen uluk ou nia maka hanoin a’at uluk”, Filomeno esplika.

Ema numeru daruak iha Instituisaun defesa Nasaun RDTL ne’e husu populasaun atu fo fiar ba instituisaun Polisia no Forsa atu resolve situasaun ne’ebe mosu iha nasaun ne’e.

“Povu la fiar ba ami atu fiar ba se. Iha 2008 se la’os F-FDTL ho PNTL maka resolve situasaun ne’e entaun se. Portantu ida ne’e labele husu ohin hanesan fila liman fuan. Portantu ho operasaun ne’ebe agora halo daudauk ne’e senor Jeneral Xefe ho Komisariu, Forsa ho Polisia tomak lori ho responsabilidade no konsiencia maka hala’o operasaun ne’e. Portantu operasaun ne’ebe hala’o fo sai husi Governu, fo sai husi Prezidenti I fo sai husi Parlamentu a mezma koixa povu ne’e rasik maka haruka halo operasaun tan ne’e ami halo operasaun ho konsiencia tomak, ho responsabilidade tomak I ami fiar katak operasaun ne’e sei hetan rezultadu ne’ebe di’ak. Uluk imi lembra iha 2008 ita halo neineik no neineik to’o hotu. Portantu ita agora ne’e, ita la’os enfrenta inimigu (mas) ita enfrenta ita nia maluk rasik ne’ebe halo reasaun ba iha Estadu de Direitu ida”, hateten Filomeno Paixao.

Tuir Informasaun ikus husi fontes Tempo Semanal informa katak membru KRPM ne’ebe monu no kanek ne’e agora lori ona ba Ospital hodi hetan tratamentus.


Publika iha Nasional

Ajuda Efikasia Iha Seitor Seguransa

 

 

Artigu ida ne’e nu’udar karta aberta ba membru Governu foun ne’ebé sei mai asume kargu foun ba instituisaun seguransa nian. Ami mos rekuiñese Governu tuan halo buat barak no buat pozitivu tebes ba dezenvolvimentu seitor seguransa nian. Nune’e mos tulun sira husi doador sira. Maske nune’e presiza rekuiñese katak kontribuisaun doador sira nian durante ne’e hetan rezultadu pozitivu tebes ba dezenvolvimentu seitor seguransa iha Timor-Leste. 

 

Governu foun ideia foun. Maibe ami sujere, buat diak barak halo ona ho nune’e kontinua no hametin servisu sira ne’ebé dadaun ne’e iha atu sai diak liu. Ami nia preokupasaun seluk kona-bá asuntu polisiamentu komunitaria no oinsa atu realiza planu estratejiku Polisia Nasional Timor-Leste (PNTL) nian. Hodi dezenvolve instituisaun PNTL tuir filozofia no karakteriska PNTL mak polisia komunitaria. 

 

Uma kain ida, ahi matan barak no ema te’in ne’ebé hanesan. Ministériu idak-idak la ho koordenasaun diak no idak-idak la’o ketak. Iha servisu sira koordenasaun interministérial nian. La ho Koordenasaun diak iha estrutura Governu nian hadaet to’o iha servisu sira ho organizasaun sosiedade sivil sira. Ami nia observasaun identifika katak programa nasional dezenvolvimentu lokal nian, seitor seguransa esklui tiha iha planu ida ne’e nian. Karik haluha ka razaun seluk. Maibe seitor seguransa determinante tebes iha prosesu dezenvolvimentu nasional.  

 

Problema no ami nia preokupasaun

 

Realidade grupu oin-oin iha servisu sira seitor seguransa nian. Hodi kria interpretasaun oin-oin mos ba servisu sira ne’e. Interpretasaun sira ne’e la sees husi “kria konfuzaun no kompetisaun” entre servisu sira iha Governu no organizasaun sosiedade sivil ne’ebé tulun husi doador sira. Iha servisu sira seitor seguransa nian.

 

Portantu Governu kria servisu sanak barak mos iha ministériu idak-idak hala’o servisu ne’ebé hanesan iha seitor seguransa nian. Ministériu idak-idak forma nia sanak servisu tau matan ba servisu ne’ebé hanesan. Maibe la ho komunikasaun diak atu koordena malu no idak-idak, la’o ketak-ketak. 

 

Atu hadi’a servisu sira iha instituisaun sira seitor seguransa nian. Husi situasaun atual sira ne’ebé ami nota instituisaun sanak barak iha Governu no organizasaun sosiedade sivil. Hetan suporta husi doador ne’ebé hanesan ba atividade hanesan involve ema ne’ebé hanesan maibe la’o ketak-ketak. Ida ne’e hanesan oportunidade ba ministériu foun iha seitor seguransa nian atu simplifika. 

 

Inklui organizasaun sosiedade sivil sira. ONG barak ne’ebé kontribui ba seitor seguransa ho servisu ne’ebé hanesan husi doador ne’ebé hanesan. Maske nune’e, grupu ONG sira kria rede servisu sira iha distritu to’o suku no la’o ketak-ketak. Koordenasaun sira ho Governu mosu insidental deit hodi konvida no ko’alia ba malu. Maske hetan suporta hanesan husi Governu no doador sira. 

 

Ironiku liu tan, pesoal importante sira iha distritu no suku servisu iha grupu oin-oin tantu husi Governu no organizasaun sosiedade sivil. Ema ida deit simu servisu oin-oin husi grupu oin-oin ba servisu ne’ebé hanesan. Ezemplu ida husi ami nia observasaun hetan katak ema ida iha suku nu’udar xefe suku, asume mos servisu seluk hanesan membru Konsellu Polisiamentu Komunitaria, membru rede husi organizasaun sosiedade sivil sira no mediador nasional husi intituisaun Governu. Kria konfuzaun oin-oin iha sosiedade nia leet no gasta tempu barak ba servisu ne’ebé hanesan. 

 

Solusaun! Ami sujere atu simplifika servisu sira ne’ebé estabelese tiha ona hodi hetan rezultadu ne’ebé diak liu tan no servi efisiente liu tan. Nune’e redus konfuzaun sira iha komunidade nia leet. 

 1. Re-estruturasaun ba servisu iha Governu ho integradu 

  1. Halibur grupu sira husi Governu no sosiedade sivil forma rede nasional ida ba prevensaun konflitu. Iha Dirasaun Nasional Prevensaun Konflitu Komunitaria (DNPKK) iha Sekretaria Estadu Seguransa (SES) nia okos, ONG sira ho nia rede. 
  2. Halibur grupu sira husi Governu no PNTL hodi tau matan lolos ba servisu ida ne’e iha area prevensaun krime nian. Hanesan polisiamentu komunitaria. 
  3. Nune’e mos grupu sira harii paz no reintegrasaun sosial halibur iha rede servisu ida hodi tau matan ba servisu ida ne’e nian. Iha Departamentu Harii Paz no Koezaun Sosial (DHPKS) iha Ministériu Solidaridade Sosial (MSS) nia okos, ONG sira ho nia rede.
  4. Utiliza suku hanesan mahon ba atividade hotu-hotu husi grupu oin-oin.

2.Karik Governu foun sei mai presiza aliña planu seitor seguransa ho programa nasional kona-bá dezenvolvimentu lokal ne’ebé eziste tiha ona. Konsidera katak seitor seguransa nu’udar parte integrante ida husi dezenvolvimentu nasional no involve iha koordenasaun interministerial ba programa dezenvolvimentu lokal nian. 

3.Doador sira presiza aliña ho planu no programa Governu iha seitor seguransa nian. Nu’udar ezemplu ne’ebé eziste ona iha Governasaun nian laran. 

Re-aplika sistema ne’ebé iha ona iha Governasaun hodi kontribui ba dezenvolvimentu suku. Hanesan Programa Nasional Dezenvolvimentu Suku (PNDS). 

PNDS hanesan ezemplu diak no eziste tiha ona, wainhira Governu no doador sira servisu hamutuk hetan rezultadu ne’ebé diak. PNDS mos iha koordenasaun diak interministerial iha servisu seitorais sira. 

 

Ami nia konkluzaun katak atividade hanesan husi grupu oin-oin no involve ema hanesan iha grupu oin-oin. Nune’e Governu no doador suporta grupu oin-oin ba atividade hanesan. Ida ne’e atu halo deit konfuzaun no dupla servisu entre instituisaun sira Governu no sosiedade sivil sira. Ironiku liu tan kria kompetisaun entre instituisaun Governu nian no organizasaun sosiedade sivil sira. Nune’e duvida boot ba sustentabilidade servisu sira suporta dezenvolvimentu seitor seguransa iha Timor-Leste. 

 

Ikus mai ami nia prinsipiu fundamental mak Governu foun karik sei mai hodi kontinua suporta dezenvolvimentu seitor seguransa tuir prinsipiu neneik maibe bebeik ho pasensia. 

 

Hakerek Na’in: João Almeida no Atay Alves servisu iha Fundasaun Mahein. Gordon Peake servisu iha Australian National University, Canberra. 

Publika iha Opiniaun

 

Dili, TEMPO SEMANÁL – Iha diskursu Prezidente da Republika Taur Matan Ruak iha okaziaun selebrasaun aniversariu Falintil ba 39, Xefe Estadu nee ladun satisfas ho prosesu dezenvolvimentu iha rai laran nebe seidauk bele kore povu husi mukit tanba ema kiak barak daudaun nee sei padese.

 

“Ita harii sosiedade ida bazeia ba lei nebe respeita dignidade ema nian ho objetivu nebe Falintil sira fakar ran hodi hetan. Ita-nia lei iha ita-nia rain hanesan ba ema hotu, la foti ida as liu nein hatun ida tun liu. Ita harii estadu iha dezemvolve no haforsa ita-nia estadu, itaharii sosiedade ida ho institusoens politikas nebe bazeia ba direitus sidadaun sira nian atu partisipa, asumi sira-nia responsabilidade no hametin dalan atu tuir ba harii ita-nia estadu”.

 

“Instituisaun militar ita nian hametin liutan, Falintil-FDTL dezemvolve liutan. Forsa garante soberani nasaun nian, hametin an, fo prioridade ba formasaun ita-nia ema sira nebe hakarak fila ita-nia an sai forsa, sai teknikamente hodi apoia dezemvolve ita-nia nasaun hahu husi hametin ita-nia nasaun iha defeza no soberania no tau matan ba ita-nia riku soin sira. 

 

Falintil hanesan forsa ida nebe defende konstituisaun, sobernira ba poder sivil iha tinan sanulu resin rua halo esforsu boot, tantu hametin disiplina ho nia profesionalidade. Koalidade nebe militar sira hetan nee kontribuitu boot ida ba estabilidade sosiedade ninian, nebe hametin komfiansa ita-nia povu ba institusoens sira nebe ita harii iha ita-nia rain”, dehan nia. 

 

Taur hatutan liutan katak, “ita hametin daudaun ita-nia reinsersaun rejional nebe diak, ita haree relasaun amizade ho Indonezia, Australia no paiz sira nebe besik liu ita no hametin ita-nia relasaun iha aspeitu siguransa no area militar. Ita mos hametin relasaun iha rejiaun, ho paiz hotu-hotu liu-liu paiz ASEAN, Pasifikus, Zelandia Foun nebe ita dezemvolve ita-nia relasionamentu ida diak, relasionamentu ida nebe tau interese nasaun ida-idak nian iha leten no buka dalan atu hametin liutan servisu hamutuk iha area importante ba interese ida-idak nian”. 

 

Ita iha relasaun diak ho Japaun, Korea du Soul, China, Estadus Unidus, Uniao Europeia no nasaun sira hotu nebe nungka kole atu kontinua hametin amizade no kooperasaun produtivas ho ita-nia nasaun. Timor-Leste daudaun nee prezide CPLP, kooperasaun Timor-Leste CPLP makaas tebes iha nivel militar nomos iha nivel sira seluk iha area sira seluk tantu bilateral no multilateral. 

 

Komfiansa komunidade internasional foti prestizu Timor-Leste nian no kontribui atu ita bele hetan dezemvolvimentu nasional ida nebe tuir mehi no hanoin ita nian. Falintil-FDTL fo nia kontributu pozitivu no importante tebes ba afirmasaun ita-nia estadu nian, tanba F-FDTL kontribui ba protesaun rekursu naturais ho ezersisiu efetivu ita-nia soberania nasional.

 

Kontribui ba estabilidade no paz hodi prestezia ita-nia nasaun. Aumentu prestizu nasaun nian atraves misoens sira nebe ita-nia estadu fo, liu-liu mosiens manutensaun paz ho komunidade internasional foti Timor-Leste nia naran. Maibe dejafius ita-nia nasaun sei makaas, se barak los. Ejize empeinamentu ita hotu nian, sidadaun hotu-hotu nian para ke ita hamutuk kontinua buka mehi ida nebe iha tinan rua nulu resin haat Timor oan rihun ba rihun fakar ran.

 

Investe ita-nia nasaun ninia riku soin ho matenk no koidadu tebes. Dezemvolve setor produtivu ida nebe  fo benefisiu ba ita-nia komunidade sira, valoriza rekursu naturais liu-liu ita-nia rain no agrikultor kiik sira nebe namkari iha ita-nia nasaun. Fila Timor-Leste sai nasaun ida nebe menus depende ba rai seluk, dezemvolve ekonomia ida diak bazeia ba infraestrukturas nebe iha koalidade, ajuda komunidade sira atu produs liutan hodi hetan asesu ba merkadu. Nee servisu sira nebe ita tenke preparadu los ba halao iha tempu oin. Tanba ita-nia mehi ita hakarak dezemvolve populasaun ida nebe saudavel ka iha saude diak. 

 

Mais de 50 pursentu ita-nia populasaun malnutrisaun, proteze ambiente no tau matan ba sukus sira sai moos aldeia sira sai moos, prevene moras, bee diak, eletrisidade diak ba ita-nia sidadaun sira. Dezemvolve sosiedade ida nebe elevadu koalidade edukasaun, ofrese eskolas ba ita-nia sukus no aldeia sira. Nee servisu balu nebe ita tenke halo no kontinua halo para lori ita-nia nasaun ba oin. 

 

 Falintil-FDTL dedikasaun instituisaun militar nian, tau matan atu kumpri nia misaun ho diak no hola parte konstribuisaun boot ida nebe Falintil fo ba dezemvolvimentu nasional. Falintil sira-nia misaun ida importante tebes atu proteze ita-nia rain no riku soin, kontribui ba dezemvolvimentu, estabilidade, kontribui mos ba manutensaun paz iha mundu liu husi Nasoens Unidas. Para dezempena misoens sira nee Falintil tenke kontinua prepesoa ninia kapasidade teknika no operasional iha aspeitu hotu-hotu.

 

Hau husu ba militar sira para ke kontinua tau matan ba imi-nia formasaun profesional para imi bele iha altura atu responde servisu nebe ita-nia nasaun no ita-nia povu integra ba imi. Dezemvolve ita-nia nasaun hanesan dezafiu boot ida i so lori ita-nia domin, lori ita-nia sakrefisiu mak ita-nia nasaun bele ba oin. Tanba ne’e, husu para ita hotu labele haluha sira nebe iha tinan naruk fo sira-nia vida, mate hodi ohin loron ita-nia nasaun sai nasaun ida nebe livre no independente. Barak liman tohar ain tohar, kontinua lao ho bala iha isin, faluk no oan kiak sira iha ita-nia rain sei namkari, padese no terus.

 

Ita hotu nasaun tomak lebele haluha sira, nee forma ida atu fo ita-nia kontribuisaun no inspira sira seluk para sente katak vale apena ita fo ita-nia kontribuisaun ba ita-nia nasaun, tanba ita-nia nasaun bainhira diak nia sei la haluha ita”, hakotu Taur. (ts)

Publika iha Nasional

Baukau, Tempo Semanal - Komando Operasaun konjunta hahu ezekuta rezolusaun numeru 08/2014 ne’ebe aprova husi Konselho dos Ministrus, V Governu Konstitusional RDTL, iha loron ikus, fulan Marsu ninian.

 

Antes ne’e, iha loron 03/03/2014 Parlamentu Nasional Timor-Leste hasai uluk rezolusaun ida ne’ebe hodi fo’o de’it poder no responsabilidade ba Polisia Nasional Timor-Leste (PNTL) no dekreta taka grupu CPD-RDTL ho  Konselho Revolusaun Maubere.

Publika iha Nasional

Baukau, Tempo Semanal - Membru konselho Revolusaun Maubere (KRM) ho CPD-RDTL liu ona nain atus lima maka reintegra hikas ba sira nia komunidade iha area Laga, Kelikai no Baguia maibe tuir dadus husi parte seguransa ninian sei iha barak mos sei halai iha foho lolon ho kilat.

 

Nune’e duni semana ruma kotuk liu ba, Tanente Koronel F-FDTL, Mauputi  aviza atu tun antes loron ida ohin Kuarta (09/04) tan ba nia hatene ona katak estadu Timor-Leste bele foti desizaun ida atu halo operasaun konjunta.

Publika iha Nasional

Baukau, Breaking news, Tempo Semanal - Hahu ohin Operasaun konjunta Polisia Nasional de Timor-Leste (PNTL) ho FALINTIL Forsa De Defesa Timor-Leste (F-FDTL) hahu lanca ofisialmente operasaun konjunta ne’ebe hanaran Operasaun 66 kontra membrus grupu Konselho Revolusaun Maubere (KRM) ho CPD-RDTL ne’ebe maka oras ne’e sei halai no subar aan iha foho ho ai laran besik area foho matebian, Kelikai, Laga, Baguia no Watulari.

 

“Sim ohin atu halo seremonia lancamentu ba operasaun ne’e,” Informa parte relasaun publika PNTL ninian ne’ebe partisipa mos iha seremonia lancamentu Operasaun 66 ne’e.

Publika iha Seguransa Defesa

Tempo Semanal, Dili -  Xefe Estadu Maijor Jeneral F-FDTL hasoru malu ho Primeiru Ministru ne’ebe mos assume pasta Ministru de Defesa no Seguransa iha Palasiu do Governu iha (26/03) hodi informa kestoeins balun relasiona ho F-FDTL no mos situasaun  seguransa iha nasaun Timor Leste.

 

Iha Sorumutuk ho ninia eis komandante en xefe das FALINTIL eis Sub Xefe Xstadu Maior das FALINTIL ne’e ko’alia mos kona lala’ok membru eis gerileiru balun ne’ebe deskonfia involve iha kazu Lalulai no agora sei la’o hela ho kilat iha ai laran besik foho Matebian Baukau.

 

“Ha’u ko’alia uitoan kona ba situasaun baukau, I situasaun Baukau kalma, liu-liu Laga situasaun bu’at ida (aat) la iha. Ko’alia uitoan kona ba informasaun dehan katak Manuel Koboy, Lemorai no ha’u nia xefe Carlos Siribou ho ema sira no labarik sira uluk la’o ho ha’u ne’e, sira iha ne’ebe ida, la’o ho kilat I la hatene sira objetivu saida,” dehan Maijor Jeneral Lere anan Timur ba jornalista sira.

 

Lere mos fo hatene ba Primeiru Ministru Maijor General mensajen ruma pozisaun Presidenti da Republika Taur Matan Ruak ninian relasiona ho lala’ok aproximasaun hodi solusiona kazu ne’e iha.

.

Ha’u hateten ba Senhor Primeiru Ministru katak ohin dader ami ba hasoru Senhor Presidenti da Republika. I tuir Senhor Presidenti da Republika ninia hakarak maka lakohi violensia. Entaun nia hakarak ne’e hanesan diretiva ida ke ami ne’ebe iha karaik ne’e tenke kumpri halo oin nusa maka labele iha violensia entre ita. Ida ne’e maka ami sei buka formas I depois ami forma ona komando operasaun konjunta tantu hanesan nivel superior I hanesan mos nivel taktiku operasional,” informa komandante Lere.

 

Iha daderssan loron hanesan Lere mos hasoru malu ho ninia eis Xefe Estadu Maior da FALINTIL no ninia eis komandante F-FDTL ne’ebe daudaun ne’e assume hela kargu hanesan Presidenti da Republika no simu hanoin ruma husi Taur Matan Ruak katak lakohi uza violensia iha operasaun konjunta hasoru grupu Konselho Revolusaun Maubere ho CPD-RDTL hodi relembra hikas operasaun konjunta hasoru eis petisionariu sira hafoin de akonetsimentu iha Fevereiru 2008

 

Nia hatutan esplika situasaun katak grupu sira ne’e iha armas nune’e ba ninia eis FALINTIL ne’ebe sei la’o iha foho leten nia fo apelu liu husi media atu hatene no halo tuir.

 

“Agora ami buka oin sa maka evita konflitu entre ita ho ita porke sira iha kilat. Sira iha kilat ne’e maka ha’u aproveita (momentu) ida ne’e, se sira rona no hare televizaun maka ha’u hateten ba sira labele beik, ita funu hotu ona,” dehan Maijor Jeneral Lere.

 

Eis Primeiru komadante Rejiaun de Gerilia numeru um ponta Leste lere kuinese ema balun ne’ebe deskonfia involve iha Konselho Revolusaun Maubere iha Lalualai maka hetan atuasaun husi PNTL iha loron 10/03/2013 ne’ebe halai sa’e ba foho Matebian no agora sei subar hela iha ai laran ne’e.

 

“Sira be agora la’o (hanesan) Lemorai no sira be ne’ebe-ne’ebe ne’e uluk terus, ba funu ida ne’e. Agora ita ukun a’an ona sira buka tan sa’ida? Porke ita agora hanesan ha’u hateten beibeik labele koko Estadu. Estadu ne’e Estadu. Estadu ne’e iha lei, iha forsa hotu-hotu. Estadu iha kompetencia atu ka’er ema, kastigu ema, tiru ema no oho ema. Ne’e maka ha’u hanoin katak sira labele mangame ho Estadu. Ne’e di’ak liu, Koboy, Lemorai, ha’u nia Xefe Carlos no sira ne’ebe agora refujiadus iha (foho) Matebian ne’eba ne’e, mai entrega a’an de’it ho kilat. Kilat ne’e mai entrega no ita resolve problema,” Lere remata.

 
Publika iha Seguransa Defesa
Page 1 of 3
Joomla SEF URLs by Artio

Copyright © 2015 Agora Tempo Intermedia Ltd. All Rights Reserved.
Online since February 01, 2013
Creative Commons License
This work by Tempo Semanal is licensed under a Creative Commons Attribution-NonCommercial-ShareAlike 4.0 International License.

Top Desktop version