“Asaun pasifika ne'e ezije nia direitu ba manuál orientasaun akademiku, sertifikadu no almamater UNTL nian ba estudante tinan 2022”, dehan Reprezentante Estudante, António do Santos Loco, iha kampus sentrál UNTL, kuarta (08/06).

Nu'udar senadu sesante husi Fakuldade Siénsia Sosiál (FCS-UNTL), fakuldade edukasaun hasai bazea ba sira-nia aprosimasaun universidade kona-ba manual orientasaun akademika ba estudante tinan 2022.

“Liliu manual akademika ne'ebé mak ninia pakote ho orientasaun akademika maibé universidade la realiza ida ne'e tuir tempu ne'ebé mak iha”, esplika nia.

Tanba dala ruma orientasaun akademika hotu tiha semana rua ka tolu mak foin universidade haruka manual akademika ba, no dala ruma liu tiha tinan ida mak sira foin haruka ba fakuldade sia ne'e.

“Ami-nia preukupasaun tanba sertifikadu orientasaun e depois ba filafali manual akademika ne'e ninia pakote ho orientasaun akademika, molok orientasaun abertura sira tenke lori ba para estudante sira bele haree ida ne'e”, afirma nia.

Tanba funsaun manual orentasaun estudan sira simu antes atu tuir prosesu ida husi orientasaun atu sira bele haree estrutura universidade no estrutura fakuldade em jerál atividade universidade sira bele haree no koñese kada estrutura.

“Entaun ami dehan katak osan ne'ebé estudante foun sira hatama iha pakote ho prosesu orientasaun la halo jestaun ho di'ak, sira jestaun tuir tempu ne'ebé mak iha, tanba ne'e mak ami hakarak ezije”, deklara nia.

Entretantu Fakuldade Siénsia Sosiál solidariza tan ninia estudante hodi ezije sira-nia diretu, tanba problema ne'e fakuldade sia hasoru hanesan

jestaun tanba la'ós estudante fakuldade edukasaun mesak mak hasoru problema ida ne'e, maibé fakuldade hothotu mak hasoru problema hanesan.

“Bainhira estudante nia problema ne'e mak seidauk iha resposta ami nafatin halo demonstrasaun iha tempu tuir mai”, aviza nia. (*)