Tuir Komunikadu ne'ebé publika iha pájina Ofisiál Universidade Nacional Timor Lorosa'e, ne'ebé hetan asina husi Reitór UNTL, katak, mudansa ba loron graduasaun, tanba toga ho papel impresaun diploma sei iha hela akizisaun.

Nune’e Universidade Nacional Timor Lorosa'e (UNTL) informa ba graduandu 2022 liuhusi meiu ida-ne'e katak, loron ba graduasaun previstu fali iha loron 11 fulan-abril 2023.

Informa mós ba graduandu sira katak, UNTL halo esforsu makas ho meiu oioin, maibé infelizmente la konsege realiza iha loron determinadu. (*)