Rui hato'o lia-hirak ne'e hafoin partisipa semináriu transformasaun valór rezisténsia, dezenvolvimentu Timor-Leste, Universidade Nasionál Timor Lorosa'e (UNTL), Liceu, Tersa (8/9).

Nia afirma, bainhira dehan transformasaun maka dahuluk tenke hatene valór rezisténsia, hafoin tama ba ko'alia transformasaun valór ba dezenvolvimentu, maibé kuandu la hatene valór sira ne’e oinsá bele transforma.

"Agora valores sira ne'ebé maka ha'u temi ne'e, se imi hakarak transfere duni ba dezenvolvimentu nasionál, ne'e imi presiza husu para imi hatene," dehan eis PM ne'e.

Atu transforma valór ne'e, nia prefere atu estudante sira husu valór hirak ne'e agora iha ne'ebé. Nune'e, aumenta sira-nia implementasaun transformasaun valór ne'ebé sira atu halo ba dezenvolvimentu.

Iha fatin hanesan, Reitór UNTL, Francisco Miguel Martins hatete, semináriu ho tema transformasaun valór rezisténsia ba dezenvolvimentu nasionál ne'e nu’udar atividade ne'ebé importante tebes ba estudante sira.

Tanba ne'e, husu ba estudante sira atu bele hola partisipasaun másimu. Nia dehan, atividade ne'e hetan partisipa direta husi oradór importante maka Rui Maria de Araújo no Jenerál Lere Anan Timur. (*)