"Sim, ami simu ona pedidu husi KAK no ami haruka ona no submete ona ba KAK kona-ba atu aprezenta rikusoin ne'e”, Dehan MESSK Longuinos dos Santos, iha Palásiu governu, kuarta (23/06)
MESSK orienta ona ninia dirijente no haruka atu relata sira-nia rikusoin ba KAK tuir lei haruka tanba estadu mós hakarak husu kontribuisaun dever ema hotu nian, atubele fó nia deklarasaun sira.
“Estadu mós hakarak husu kontribuisaun dever ema hotu nian, atubele fó nia deklarasaun sira bele halo kontrolu durante iha periúdu mandatu”, afirma nia.
Tanba ne’e, labele evita buat ida enrekesimentu ilízitu ka pose rikeza injustifikada sira hodi evita konflitu interese.
“Ha'u-nia dirijente sira ne'ebé mak orienta, ha'u haruka sira relata sira-nia rikusoin ba KAK tuir lei haruka no, ha'u fó sai ona iha horseik (22/06)”, hatete nia. (*)