"Lori Governu nia naran, ne'e onra ida ba ita hotu, ita halibur iha ne’e ita bele fó netik biban hodi simu Saudozo Max Sthal nia sinza, ita hotu koñese Max, tanba halo ninia servisu no fó sai ita-nia situasaun ita-nia istória funu nian, ho ida ne'e husi parte Governu nian fó benvindu ba Max nia oan sira, fó ita-nia apresiasaun boot ninia serbisu hotu nia halo kontribui ba Timor-Leste”, dehan Fidélis iha Aeroportu Internasionál Nicolau Lobato komoro, kuarta (15/12).
Tanba ne’e, husu atu komunidade sira hotu, maun alin sira hotu, inan feton sira hotu, partisipa no fó onra ba memoria maun Max Stahl nian.
"Ita simu ofisiálmente agora, ita sei la'o tuir prosesu sira hotu, to'o ikus liu iha Semitériu Santa Cruz iha di'ak 17 fulan-dezembru”, esplika nia.
Alende ne'e mós husu ba foinsa'e e sira atu aprende kontinua Max Stahl nia obra hodi kontinua valoriza solidariedade nasionál.
"Liuliu ba foinsa'e sira atu aprende, atu hola, buat di’ak barak ne'ebé Max Stahl halo, ida mós mak atu valoriza Solidariedade nasionál, tanba ita mós hola parte iha mundu, iha nasaun barak mak terus no susar liu ita presiza ita atu loke nafatin paixaun para ke iha hanesan ba Max Stahl nian”, dehan nia.
Max Stahl nia istória kontribuisaun tanba ne'e mantein no iha ligasaun ho Timór-Leste. (*)