“Estudante foun tinan 2022, ha'u hanoin ita bele rai hela ba momentu seluk, tanba neste momentum prosesu selesaun sei la'o hela iha Komisaun Asesu Ensinu Superior seidauk finaliza sira nian servisu, bainhira sira finaliza ona depois Ministru sei konvida reitór, Prezidente Institutu Politekniku Betano (IPB) ba atu rona desizaun se se mak atubele pasa iha prosesu”, dehan Reitór João Martins hafoin hasoru malu ho PR Lú Olo Palásiu Prezidensiál Bairopite, kuarta (16/02).
Kona-ba kritériu tama iha UNTL ne'e Prezidente Komisaun Asesu Ensinu Superior mak hatene, tanba sira mak halo prosesu selesaun hela.
Entretantu Ministru Ensinu Superior Siénsia no Kultura (MESSK), Longinhos dos Santos informa, estudante ne'ebé asesu ba UNTL no IPB nia kalendáriu sei finaliza iha loron 25 fulan-fevereru tinan 2022
Maibé dadaun ne'e seidauk deside loos na'in hira pasa iha UNTL, tanba sei iha hela faze selesaun enkuantu kona-ba estudante ne'ebé difisiensia nia naran tama iha rejime espesiál. (*)