“Iha parte ida ami haree mak ita-nia Portu bele loke to'o Domingo mós sei servisu nafatin tanba Portu iha mundu tomak loke Portu ne'e to'o Domingo, para hodi bele hasai sasán sira kontainer sira ne'e fasil liu atu labele kona-ba demorage”, dehan nia hafoin reuniaun ho komersiante sira iha salaun CCI-TL Akait, sesta (25/03).
Bainhira hasai kontainer iha loron baibain kontinua kona demoraje nune'e grotu sira fa'an folin sasán sa'e, tanba ne’e kontaktu ona ho Governu atu esforsu loke Portu Dili to'o loron domingu.
“Dadaun ne'e ami ko'alia hela ho Governu para halo nusá atu buka solusaun para bele loke oportunidade sábadu to'o domingu”, informa nia.
Ba funsionáriu públiku sira iha Portu Dili, bainhira servisu la to'o sábadu no domingu, bele hatama ema iha servisu estra atubele serbisu tanba Timoroan ne’ebé hakarak serbisu iha loron estra barak.
Ba sasán folin ne’ebé sa'e emprezáriu la'ós hasa'e tuir nia hakarak, maibé sasán nia folin sa’e kedas husi fábrika. (*)