Sekretáriu Estadu Kooperativa (SEKOOP), Elizário Ferreira hatete, formasaun ne'e importante ba funsionáriu sira tanba bele apoiu iha área integridade ba funsionáriu hodi halo fortalesimentu instituisionál, asegura instituisaun ho karater prinisípiu kooperativa nian.
“Tanba iha programa prioridade ida mak fortalesimentu instituisionál iha buat tolu ne'ebé mak importante hodi ko'alia ida mak oinsá asegura sustentbilide instituisionál seguru, segundu atu asegura instituisionál oinsá mak iha rekursu di'ak atu serbí no terseiru oinsá no karater valór prinsípi sira kooperativa nian”, dehan Elizário Ferreira iha nia intervensaun ba formasaun ba funsionáriu SEKOOP nian iha salaun NCBA, Railaku, Ermera tersa (25/04).
Liuhusi formasaun ne'e mak oinsá atu serbí, oinsá atu hatudu dalan, tanba funsionáriu públiku ne'ebé mak sai liderasa, iha karater tolu mak lideransa topu, lideransa media, no baze,
Ho ida ne’e sira atu assume papel importante atu konduz organizasaun sira oinsá atu asegura instituisaun ho di'ak.
“Polítika integridade oinsá atu asegura instituisaun kooperativa nian, nune'e mós integridade ba membru no kargu Xefia husi SEKOOP nian”, deklara nia.
Tanba integridade mak hanesan atributu esensiál ne'ebé lideransa ida tenke iha konseitu ida ho relasaun ida ho relasaun ho konsisténsia valór métodu ka sasukat ida, atubele asegura integridade mak liuhusi transparansia partisipasaun asesibilidade fiskalizassun no kontrolu.
Inspetór, Gabinete Inspesaun Auditóriu SEKOOP, Henrique de Oliveira Ximenes hateete, presiza apoiu matéria integridade independénsia konfidensialidade ne'ebé mak sai importante oinsá asegura instituisaun estadu nian.
“Sira ne'e mak valór utama, iha instituisaun estadu nian, nomós ba hala'o mós iha instituisaun funsaun públika nian”, afirma nia.
Ba formasaun ne'e hala'o durante loron lima, ne'ebé koopera ho insitituisaun estadu hanesan Komisaun Anti Korrupsaun (KAK), Inspetór Jerál Estadu, Tribunál Kontas, Komisaun Funsaun Públika no mós Provedória Direitu Umanus no Justisa (PDHJ). (*)