"Materia sira ne'ebé imi simu durante ne'e sai esperiénsia atu kontinua mantein, maibé molok imi sai formadór imi tenke hetan sertifikadu husi INDÍMMO atu hetan rekoñesimentu husi Governu", nia informa iha sala reuniaun SEKOOP Akait Dili, (11/05).
Formasaun ne’e, formador mai husi Lembaga Pendidikan Perkoperasian (LAPENKOP) Indonézia.
Alende ne'e, husu mós ba formandu nivel 3 no 4 ne'ebé tuir ona formasaun husi LAPENKOP kontinua hanorin fali ba dirijente kooperativa sira hotu atub dezenvolve di’ak liu tan iha futuru.
Organizadóra ba formasaun, Jacinta dos Santos afirma, formasaun ne'e ko'alia kona-ba tékniku kooperativa nian atu garantia ekonomia sustentavel ba instituisaun kooperativa.
SEKOOP rekomenda ba LAPENKOP Indonézia, atu kontinua apoiu edukasaun formasaun no informasaun, tanba kooperativa iha Timor-Leste sei hasoru dezafiu barak.
Tanba dadaun kooperativa Timor-Leste iha pilar haat hanesan Edukasaun, Autosufisiensia, Solidariedade, Kreatividade sosiál no inovativu.
Formasaun ne’e, fahe ba ekipa tolu ne’ebé partisipante hamutuk ema na’in 63 no ho durasaun loron 21. (*)