"Agora ha'u uza linguagem Covid nian, Oitavo Variante 2 muda naran Ministériu do planementu Investimentu Estratéjiku ba planu e ordenamentu, ne'e siknifika saída?. Ne'e siknifika mudansa de konseitu dezenvolvimentu mai ho planu maibé planu mai ho ordenamentu ne'e mak laiha to'o agora”, dehan Alkatiri bainhira partisipa Semináriu kona-ba Rezultadu Avaliasaun Ex-Post ba Projetus Infraestruturas iha Timor-Leste, iha Minsitériu Finansas, Ai-Tarak Laran tersu (30/11).
Tanba uluk sei iha Ministériu Planementu Investimentu Estratéjiku maibé laiha ordenamentu estudu barak mak hala'o la tuir planu dezenvolvimentu.
"Uluk ita ko'alia de'it planu planementu Investimentu estratéjiku maibé laiha ordenamentu estudu balun mós la respeita ne'e fó implikasaun ba buat hothotu”, afirma nia.
Bainhira halo projetu Governu nia mak la tuir nia funsaun sira sei la garante projetu sira-nia kualidade sira.
"Garantia ba kualidade projetu nian hahú iha ne'ebé?. Klaru liuhusi estudu viabilidade, hahú ho dezeñu refletidu prioridade iha vizaun no misaun iha períodu implementasaun iha intervensaun tolu nian, se mak dezeñu, implementa no fiskaliza”, dehan nia.
Haree ba projetu hitu ne'ebé mak la'o ona Governu tenke iha obrigasaun atu halo fiskaliza filafali hodi haree nia kualidade garante ka la’e.
Tanba dadaun ne'e obra barak mak hala'o laiha kualidade no presiza halo fali estudu viabilidade foun tanba difikulta ema barak asesu no la sente dezenvolvimentu iha Timor laran. (*)