Tuir Prokuradór Jerál da Repúblika (PJR) José da Costa Ximenes katak konsekuénsia husi aktu sidadaun Filipina ne'e mak TDD kondena arguidu ho pena prizaun tinan 10.
"Hakarak informa katak, iha arguidu ida ho naran Jerry, ne'ebé transporta Timor-oan na'in rua ba Indonézia mak iha dia 17 Setembru Tribunál Distritál Dili kondena pena tinan 10 no pena asesoria," dehan PJR José da Costa Ximenes iha Palásiu Prezidensiál bairru-pite, Tersa (22/9).
Nia afirma, bainhira arguidu ne'e kumpre ona prizaun tinan ualu, mak sei halo espulsaun ba nia rai Filipina.
"Durante espulsaun, nia la tama tan iha Timor," nia dehan.
Entretantu, kazal Timor-oan ne’ebé sidadaun Filipina ne’e transporta ba Indonezia, ikus mai hetan kapturasaun husi seguransa Indonezia iha 29 Maiu 2019.