"Ita ko’alia kona-ba dezenvolvimentu, la'ós dezenvolvimentu fíziku de'it maibé dezenvolvimentu noun-fíziku ne'ebé mak Estadu tenke iha dever, konsidera atu proteje ema ne’ebé mak iha kreatividade hodi lori nasaun ne'e ba oin”, dehan nia iha Parlamentu Nasionál (PN), kuarta (12/01).
Tanba hanesan públiku tomak haree, Governu liuhusi Sekretáriu Estadu hasai Grupu juventude Arte Moris husi edifísiu iha Komoro hodi utiliza ba sede Veteranu.
Iha situasaun ne'e, Governu mak hasai ona sira maibé tenke buka solusaun ne'ebé dignu, justu, tanba grupu juventude sira mós iha talentu no kreatividade, atu hola parte iha dezenvolvimentu.
Dadauk rede ba rai hamutuk ho repezentante grupu juventude Arte Moris, deside marka ona audénsia ho Komisaun A trata asuntu Justisa no Konstituisionál hodi buka solusaun ba situasuan ida ne'e.
Durante audénsia Deputadu sira fó resposta katak sira mós hanoin ona atu husu parte kompetente husi Arte Moris nian atu ko'alia nafatin ho Governu hodi buka solusaun ba fatin alternativu ne’ebé mak di'ak hodi oferese. (*)