Tuir informasaun ne’ebé www.tempotimor.com asesu iha pájina Ministériu Edukasaun Juventude no Desportu, kinta (09/06) katak, enkontru ne’ebé hala’o iha salaun VIP-MEJD Tuana-Laran, Vilaverde, ho objetivu koa'lia kona-ba progresu implementasaun polítika ativu hikas iha eskola no saúde reprodutiva nomós oinsá atu solusiona problema no violénsia jéneru oioin hasoru feto no labarik feto sira iha eskola atu vítima sira bele ativu filafali iha eskola.
Iha sorumutune'e partisipa husi Xefe Gabinete ho ekipa tékniku husi SEII, Diretora Ezekutiva UNFPA ho nia ekipa, Diretór Jerál Planu, Polítika, Inkluzaun no Impresaun Interinu (DG PPII Interinu)-MEJD, Antoninho Píres, Diretór Nasionál Protokolu-MEJD, Filomeno Paixão, Diretora Nasionál Mídia-MEJD, Helena Nunes do Amaral nomós reprezentante husi ADTL ho nia ekipa. (*)