"Bainhira ita-boot sira vasina dalarua ona ita-boot sira la'o livre, maibé bainhira ita-boot sira kontaktu ho ema pozitivu ruma ami identifika katak ita-boot kontaktu ho ema pozitivu ruma ami halo swab ba imi tanba atu minimiza aglomerasaun atu nune'e moras ne'e labele da'et ba ema, maske simu Vasina dalarua maibé oportunidade vírus atu da'et ba ema seluk ne'e sei iha nafatin", dehan Ministra Odete iha Parlamentu Nasionál, tersa (24/08).
Tanba ne'e la presiza komplika demais ba assuntu swab ka la swab, maibé importante vasina, tanba swab ne'e halo diagnóstika ida ba ema ida nia kondisaun.
"Mais imi tauk atu halo swab ne'e tauk kona-ba saida nian? Swab ne'e la oho ema, swab ne'e atu identifika o iha moras Covid-19 ka la'e?. Ida ne'e, tauk Vasina ne'e ha'u sei bele esplika, imi tenke Vasina tanba nia efeitu hanesan ne'e, imi tauk Vasina tanba tauk ha'u sei bele komprende mais imi tauk swab ne'e tauk kona-ba saida nian?. Swab ne'e la oho ema ne'e", esplika nia. (*)