"Tanba ema hothotu atu tama iha ne'e tenke SWAB ne'e mak ema Tauk ne'e”, dehan pesoál saúde ida ne'ebé lakohi atu públika nia identidade ba www.tempotimor.com iha HoREX Baukau, tersa, (21/09).
Tanba pasiénte ne’ebé tama iha ospitál rejionál ne'e tenke hatudu kartaun vasina inklui kartaun ezaminasaun ba pasiénte ne'ebé liu ona husi triajen emerjénsia.
Ho aplikasaun Test SWAB ne'e ba pasiénte inklui mós ba família pasiente ne'ebé mak atu tama iha ospitál rejionál Baukau nian, hodi evita hada’et moras ba pasiente sira seluk.
Teste Swab ba pasiénte sira ne'ebé mak tenke halo testamentu iha HoREX Bauau, tanba atu prevene Covid-19 ne'ebé invade iha Timor-Leste.
Kuandu ema moras normál ne'e ema la ba ospitál maibé urjente de'it mak ba, tanba tauk halo teste ho rezultadu pozitivu Covid-19.
"Moras baibain ne'e sira lai mai maibé urjente ne'e mak sira foin mai hanesan alin ne'ebé foin tama mai ne’e", dehan nia.
Iha mós pasoál saúde seluk, ne'ebé mós fó hatete, ema menus ba ospitál tanba tempu Covid-19 no doutór metan ne'ebé mak oras ne'e la servisu ona iha ospitál Baukau.
"Tanba uluk doutór metan iha ne'e iha ne'e kama sira ne'e nakonu maibé doutór metan laiha ema la mai ona ospitál anaun ser urjente mak foin mak", dehan nia.
Ho ida ne’e, jornalista www.tempotimor.com tenta hasoru Diretór Klínika HoREX Baukau, Saleciano Pinto Fernandes, maibé nia seidauk fó komentáriu tanba okupadu ho serbisu seluk.
Maske fasilidade iha Ospitál refere sifisiente atubele atende pasiénte sira, maibé ema ladun ba halo tratamentu no sala ba pasiénte sira dadaun ne’e iha ida-rua mak okupa. (*)