"Totál kazu ativu ohin, 19 Outubru 2021 hamutuk 73 no kazu obitu na'in-1", dehan nia liuhusi komunikadu imprensa, tersa (19/10).
Enkuantu kazu detetatu foun na'in-5 (iha Dili 4 ho munisípiu seluk 1), mane 3, feto 2 ho idade 20 na'in-1 ho idade entre 12-59 na'in-3, ho idade 60 na'in-1, kazu rekuperadu 29 no totál kazu konfirmadu kumulativu iha 19 outubru 2021 (sura husi 21 Marsu 2020) hamutuk 19.730.
Enkuantu totál óbitu ne’ebé relata ohin, na'in-1 (ida) mane ho idade 31, hela iha Covalima, vasina la kompletu no iha 13 Outubru 2021, diagnóstikadu sindroma insufisiénsia respiratória aguda (SIRA) tanbá Covid-19.
Iha loron ne’e kedas matebian hala’o tratamento iha Lahane no horikalan 20h40 matebian iis-kotu. Família kolabora ho ekipa saúde, hodi hala’o funeral tuir protokolu ne’ebé adopta ihaTimor-Leste.
Hahú horiseik mai ohin hamutuk hotu Laboratóriu Nasionál Saúde (LNS) halo 68 testes PCR iha Dili, ho detalla hanesan, Vijilánsia sentinela 3, Rastreiu ba kontaktu (Contact tracing) 0, Rastreiu Aleatóriu (Random Screening) 21, Viajen internasionál 39 no follow up iha kuarentena 5.
Rezultadu testes PCR ne’ebé halo horiseik iha munisípiu siraseluk REAOA ho HNGV, hamutuk 202, ho detalla hanesan Baukau 59, Ermera 3, Bobonaro-Maliana 13, Ainaro-Maubisse 18, RAEOA 0, Covalima-Suai 0, Vikeké 0, Lautein-Lospalos 6, HNGV 91, Vera Cruz 12. (*)
