"Ami nu'udar líder Igreja nian sente lakon tokoh espirituál ida husi Igreja Katólika, e lakon ema importante ida e Bispo hotu di'ak maibé amu Bispo Dom Basílio ne'e mak iha ami-nia esperiénsia nu'udar lideransa nia haku'ak ami para halo servisu hamutuk forma IRT (inter Relijiosu Toleránsia) iha Baukau no konvida ha'u hato'o mensajen iha paskoa iha Viasakra boot”, dehan Francisco dos Reis iha Vila Verde hafoin halo Kultu hamutuk ho Kristaun sira husi Igreja protestante, domingu (31/10).
Tanba iha tinan 2013 liuba kotuk Dom Basílio forma inter Reliziosu Toleránsia mak entrega altar ba Pastor Francisco dos Reis hodi hato'omensajen ba sarani Katólika sira iha Baukau Vila Nova iha tempu Paskoa bainhira halo Viasakra.
Iha momentu ne'ebá mós fó oportunidade ba Relijiaun Musulmanu hodi fó sai mensajen hotu iha tempu Paskoa tanba Maromak ne'ebé mak Islam Adora ne'e Abraaun Izaac Jacob, nia Maromak.
"Iha momentu ne'e tuir Orariu Ami Bispu mak ko'alia uluk komu nia moras tiha ha'u mak ko'alia uluk entaun iha Istória Igreja Timór Ami Bispu ne'e mak halo buat ida ke oin seluk ekstraordinariu nia ema ne'ebé matenek e nia ko'alia ba loos mai loos”, nia haktuir.
Bispu nia moris la halo diskriminasaun ba sarani ida ba sarani seluk maibé halo tuir Kristu nia ain fatin mak hakuak ema seluk liuhusi hatudu nia domin hanesan Kristu nian. Nune'e iha oras tuku haat (04:00) loraik Pastor ho Ekipa sei vizita matebian Dom Basilio iha Katedral Dili. (*)