"Membru ékipa susesu vitória Jenerál Lere Anan Timur nian Munisípiu Baukau, iha orgaun diretivu ema na'in-24 orgaun ezekutivu husi Suku to'o Aldeia reprezenta ema na'in-26, kompostu ema na'in-50," dehan koordenadór ékipa susesu vitória LAT, Alvino da Silva Xavier ‘Sakoko’ iha Uma Dame Uatulele, sesta (25/02).
Tuir nia, sei garante kandidatu Lere Anan Timur manan iha Munisípiu Baukau, tanba bazeia ba referensia sadere ba evolusaun movimentu ne'ebé iha.
Nune'e, Lere Anan Timur husu ba ékipa susesu ne'ebé simu ona pose, atu servisu ho responsabilidade, hodi lori númeru sorteiu 8 ba tuur iha Palásiu Prezidensiál hodi tau matan ba povu no nasaun Timor-Leste.
"Ha'u husu ba maluk sira hotu, maluk susesu, husu susesu ba imi hotu atu bele matenek nafatin brandi nafatin saúde di'ak to'o dia 19 marsu ita sei rona rezultadu di'ak númeru 8 sei manan sai Prezidente 2022-2027," nia husu
Enkuantu apoiantes ne'ebé partisipa iha seremonia toma pose ne'e, kompostu husi zona Baukau Vila, Baguia, Laga, Kelikai, Vemase, Venilale no Fatumaka hamutuk ema na'in-502. (*)