“Ha'u-nia liafuan mak ne’e parabéns, tinan-lima chega, parabéns liliu tanba imi-nia kualidade, imi-nia servisu. Mantein ida-ne’e, kualidade, intergridade servisu e ne'e servisu públiku ida, servisu ba ita-nia sosiedade no ba mundu”, dehan Horta hafoin partisipa serimónia Aniversáriu loron CNC ba dala-lima iha eis komarka Balide, sábadu (16/07).
Tanba servisu no inisiativa ne'ebé mak Centru Nasionál Chega hala'o, hetan rekoiñese, buka verdade, justisa, hatudu respeitu ba vítima no sobrevivente sira.
Nune'e Prezidente Repúblika kontinua hatudu nia vontade hodi apoiu no partisipa kualker serimónia iha CNC tanba serimónia ida-ne'e la’ós serimónia inaugurasaun, kazamentu, ka parada ruma.
“Entaun ha'u sempre buka apoiu sira ne'ebé loroloron servisu iha instituisaun sira nune'e tanba ita kuandu liga ho drama ne'e drama umana o bele lee de'it ita bele investiga, o bele sai mós afetadu mós emosionalmente e psikolojikamente”, esplika nia. (*)