“Objetivu husi levantamentu dadus ne’e atu bele halo jestaun ba patrimoniu estadu nian hodi identifika no halo jestaun inventarizasaun ba bens no moves inklui viaturas hotu ne’ebé partense ba Ministériu Interior nian”, dehan Diretór DNLGPA, Fernando Cardoso, iha nia kna’ar fatin MI, Vila Verde, kinta (18/11).
Nia dehan, nia parte halo hotu ona baze de dadus iha nivel munisipál hodi jere patrimoniu estadu ne’ebé sai instrumentu halo atividade instituisaun no jere jestaun patrimóniu Estadu, liuliu jestaun inventarizasaun no jestaun identifikasaun.
“Iha tinan 2022, ekipamentu foun ne’ebé kompras presiza atualiza iha Ministeriu Interior no SEPS liu-liu ba diresoens sira husi nasionál to’o Munisípiu hodi hatene lolos kona-ba sasan hanesan, karreta, motorizada, komputadores, printer, scaner no ekipamentus seluk tan ne’ebé utiliza iha edefisiu laran, inklui mós mobiliariu meja, kadeira, armariu no seluk tán, sasán hirak ne’e presiza atualiza”, nia subliña.
Nune’e, ekipa halo ona levantamentu dadus iha Munisípiu Manatutu, Baukau, Vikeke, Lautem, Aileu, Manufahi, Covalima, Ermera, Likisa, Bobonaru no RAEOA. (*)