Hafoin implementasaun Estadu Emerjensia, Ministeriu Transprte no Komunikasaun (MTK) asina kontratu ho aviaun Airnoth hodi tula nesesidade emerjensia relasiona ho pandemia Corona Virus Deasses 2019 (Covid-19). Valor kontratu ne’ebé governu TL tenke selu ba aviaun ne’e mak rihun $15 ba kada vou,
Ministru Transporte no Komunikasaun José Agostinho da Silva hatete, kontratu ne’ebé governu TL asina ho kompaña aviasaun Airnoth husi Australia sei remata iha 17 Juñu.
Tan ne’e, tuir ministru ne’e presiza estende tan kontratu atu nune’e Airnoth bele apoiu nafatin TL hodi tula nesesidade emerjensia no kontinua halo konetividade entre TL ho Australia.
José hatutan, relasiona ho estensaun estadu emerjensia faze datoluk, governu mós presiza estende kontratu ho aviaun Airnoth.
"Ita presiza halo estensaun (kontratu) nune'e bele atende nesesidade emerjensia sira durante periodu estadu emergensia (
Tuir planu, pedidu ba estensaun kontratu ho aviaun Airnoth sei aprezenta ba Konsellu Ministru (KM) hodi foti desizaun.
"Desizaun koletivu (iha KM) hatur lai mak MTK bele selebra estensaun ho kompaña Airnoth," nia hatete.